الرياضة

 تحدث وائل جمعة أسطورة النادي الأهلي أمس عن أزمات الفريق الأحمر عقب الهزيمة من الترجي التونسي بذهاب ربع نهائي إفريقيا.

تصريحات وائل جمعة 

 وقال وائل جمعة : "التعاقدات مع اللاعبين فشل كبير جداً في النادي الأهلي في الفترة اللي فاتت، ما استفدتش منهم بشكل كبير وأضروا الفريق واللعيبة اللي مشيت من عندك، لما رحل علي معلول جبت "بلعمري" اللي المدرب في البداية كان مش مقتنع بيه تماماً"

وتابع:" ولما رحل وسام أبو علي، رحت للاعب أقل من إنه يدخل النادي الأهلي، مش يرتدي فانلة النادي الأهلي، وهو “كامويش” باللي إحنا شفناه في المباريات اللي شارك فيها يا أحمد، اللاعب الجيد بيبان من لمسته الأولى، وهو ما فيش لمسات خالص ولا ليه أي تواجد ولا ظهور. والاسم إنه لاعب محترف، برتغالي أنجولي.

وائل جمعة يهاجم إدارة الأهلي 

 وهاجم وائل إدارة النادي :" أنا ما يهمنيش، أنا يهمني اللاعب اللي يجي يعمل إضافة للفريق، عشان كده الإدارة تتحمل جزء لأنها المسؤولة عن الاختيار، في ظل إن الراجل (المدرب) واضح إن ملوش رأي"

 وواصل جمعة :" عدم وجود رأس حربة حقيقي كانت نقطة مؤثرة جداً، وما فيش نظام؛ تروح تجيب تلات لاعيبة (تريزيجيه وزيزو وبن شرقي) كلهم في مركز واحد (الرناح الأيسر) ،كنت تفكهم بلاعب واحد ممتاز يقود هجوم النادي الأهلي"