أشاد العديد من الأطباء النفسيين واللايف كوتش بتجسيد الواقع في مسلسل "الست موناليزا" التي تلعب بطولته النجمة مي عمر، وحرصوا على تحليل كل شخصية للتنبيه والتحذير من سلوكيات الشخصيات المؤذية مثل عائلة حسن -أحمد مجدي-.
حرص اللايف كوتش علي موسى على تحليل الشخصيات، قائلًا: شخصية موناليزا اللي بتقدمها مي عمر بتبينلنا قد إيه العلاقات السامة مش بالضرورة تكشفلنا عن وجهها القبيح في البدايات، حسن نموذج بيتكرر في الحياة كتير، بيفرق اللي قدامه بالحب لحد ما ميبقاش عندك درجة مقاومة وإدمان للعلاقة، ولما تشوفي حاجة غلط مش هتفتح بوئك.
وأشار إلى أن عقل الضحية يرفض ترجمة أي تصرفات لإيذاء نفسي ويدخل في حالة إنكار، وينغلقون الضحايا على أنفسهم أكثر وأكثر.
بينما أردفت اللايف كوتش ندى زرد: موناليزا بانية علاقتها مع حسن عن كل ما هو قديم، بتفضل في علاقات مؤذية وتوكسيك وبنكمل عشان اللقطة الأولى وحلاوة البدايات، وبعدين العقل بينكر أي تفسيرات مؤذية، وده يعلمنا إننا نقيم العلاقة من الوقت الحالي ومنتعلش بحاجة قديمة.
كما أكدت الدكتورة واللايف كوتش مريم صابر على أن التلاعب العاطفي من أهم الأساليب التي يستخدمها الشخص المؤذي، قائلةً: عشان تشعر بالذنب لو فكرت ترفض الإهانة أو تحط حدود، زي ما حصل في مشهد مي عمر وسوسن بدر وأقنعتها تداري على جوزها عشان تبقى بنت أصول وبنت ناس، حماتها كلمتها عشان تتقبل الكذب والغش، فخليك عارف إيه اللي ليك واللي عليك عشان محدش يستغلك.