الرياضة

كشف هاني شكري، عضو مجلس إدارة نادي الزمالك، عن كواليس الساعات الأخيرة لـ أحمد سيد زيزو، قبل رحيله من صفوف الزمالك إلى النادي الأهلي.

هاني شكري: تفاجأنا برحيل زيزو إلى الأهلي

وقال هاني شكري عبر إذاعة الشباب والرياضة: «موضوع زيزو كان موضوع صعب شوية، إحنا كنا وصلنا لاتفاقات وأنا شخصيًا كنت موجود في الاتفاقات وخلصنا كل حاجة بشكل كامل».

وتابع: «ولما جالنا عرض من السعودية بـ 5 مليون دولار أنا شخصيًا خدت كابتن زيزو على جنب وقلتله لو عايز تمشي قولي وأنا هخش أقول لباقي المجلس ومفيش مشكلة خالص قالي لأ هكمل».

وواصل: «فخلاص قلنا كله تمام وبدأنا نجهز الفلوس لقينا في الآخر المفاجأة إنه راح الأهلي وللأسف كان عندنا حسن نية».

واختتم: « لما رفضنا نبيع زيزو رغم وصول عرض بـ 5 مليون دولار الغرض كان إننا نسعد جماهير الزمالك ونحافظ على نجم كبير بيحبه الجمهور وكنا مستعدين نقعده بأي سعر وأي رقم عشان الجمهور يبقى مبسوط وكنا مستعدين ندفعله من جيوبنا والقصة مكانتش مادية خالص».