علقت الإعلامية رضوى الشربيني عن واقعة فتاة الأتوبيس التي تعرضت للتحرش على من قبل أحد الركاب.
وظهرت الإعلامية رضوى الشربيني لايف خاص على حسابها الشخصي بموقع التواصل الاجتماعي "فيسبوك"، قالت فيه: أنا مش طالعة أقول الواد عاوز يتحرش بيها بس أنا ستغربت من الناس اللي موجودة قاعدة ساكتة .. إحنا كمصريين معرووفين بشهامتنا وجدعتنا لا وكمان الناس بتهاجمها على لبسها .. طب ما ربنا قالك تغض البصر".
وتابعت: المصريين معروف عنهم لو حد عمل حادثة بنركن وننزل نشوف في إيه ونطلب إسعاف لحد ما نطمن".
وأضافت: لا وكمان الناس بتهاجمها على لبسها، وبيقولولها إيه اللي أنتي لبساه بدل ما نقول للواد عيب اعتبرها أمك أو أختك أو مراتك .. الأول لو واحدة اتعاكسات في الشارع بنلاقى الشباب بتتخانق معاه وبيدافعوا عنها ..إيه اللي حصلكم دلوقتي".