دعم المنتج طارق الجنايني الفنانة هند صبري بعد أزمتها الأخيرة مع الفنانة مها نصار في كواليس تصوير مسلسل مناعة.
وكتب طارق الجنايني عبر حسابه الرسمي بموقع التواصل الاجتماعي “فيسبوك”: قريت إمبارح شوية كلام فاضي يخص شخصية يحبها و بحترمها و دايماً بقول ان ليها فضل كبير عليا و على شركتي، هند صبري أول شخص في الصناعة دي صدق فيا و دعمني لما قررت أدخل مجال الأنتاج و أنا تقريباً ماعرفش فيه حد، و في الوقت اللي كانت هي نجمة مهمة تتمنى أي شركة أنها تشتغل معاها".
وأضاف: أول برنامج كبير أنتجته، كان برنامج "الشقة" الل قدمته هند صبري، و كان فكرتها أول مسلسل أنتجته، كان "عايزة أتجوز" و برضه هي اللي أقترحت عليا الفكرة لما قرأت الكتاب بتاع غادة عبد العال، و عملنا برضه مع بعض مسلسل ڤيرتيجو و مسلسل إمبراطورية مين".
واختتم: أنا وهند ماشتغلناش مع بعض بقالنا حوالي 10 سنين بس ده عمره ما فرق في الود و الأحترام و الصداقة الحقيقية، هند صبري حقيقي مثال يحتذى بيه في الثقافة و الهدوء و الألتزام و الإحترافية
و أي حد أشتغل معاها في ال 20 سنة اللي فاتت يشهد بذلك".
أزمة مها نصار وهند صبري
وكانت مها نصار قد هاجمت هند صبري بعد خلافهما معا أثناء كواليس تصوير مسلسل مناعة بطولة هند صبري، المقرر عرضه في الموسم الرمضاني المقبل 2026، حيث كتبت عبر حسابها الرسمي بموقع التواصل الاجتماعي “فيسبوك”: مستحيل أسامحك على قلة أدبك.. أنا اشتكيت لكل الناس وبقالي شهرين ساكته.. العيش من غير كرامة قلة قيمة، ياريت تبطلي تعملي حملات عليا أنا وهدى الإتربي، لإنها مش طرف في المشكلة.