الفن

هاجمت الفنانة عبير صبري، النائبة أميرة صابر، بعد طلبها اليوم، وهو طلب الموت، التبرع بجلده.

ونشرت الفنانة عبير صبري عبر حسابها الشخصي على موقع التواصل الاجتماعي "فيسبوك" منشورًا وقالت: "الاقتراح العجيب والغريب الذي تقدمت به نائبة في مجلس الشعب أن الناس لما تموت يُسلخ جلودهم ويأخذوها لأنها، كما ذكرت".

وأضافت: "حرفيًا سيوفر للدولة ملايين، طيب حضرتك يا فندم فكرتي في توفير ملايين للدولة ومفكرتيش أبدًا في المواطن المصري؟ مفكرتيش خالص! هو المواطن اللي تعبان من كل ناحية ده كمان عايزاه يتسلخ وتاخدي جلده بعد ما يموت؟ مش هنتكلم في حرمة الجسد ولا المشاعر ولا تجارة الأعضاء ولا أي حاجة، هو مش المواطن اللي عايزاه يتجلد حيًا وميتًا؟ ده مش اللي انتخبك عشان تساعديه بتوصيل صوته أو طلباته للدولة".

وتابعت: "طيب، أهو المقترح الغريب ده شبه بالضبط المقترح بتاع ناخد ضريبة على البيت اللي الناس ساكنة فيه، اللي هو مش مصدر للربح، ده بيت ساكنين فيه. الملحوظة بقى أن الحضرات دول محدش بيدور على المواطن ولا قلبه على المواطن أصلًا، هو بيدور يجيب فلوس من الناس للدولة".

وأردفت: "وأصلًا الدولة بريئة من اقتراحاتكم الفاشلة، لأن الدولة تُنتج وتُصدر وتعمل مصانع وعندها رؤية أفضل من أفكاركم دي بكتير، وبتخلق موارد من مشاريع ورؤية مش عن طريق تشليح الناس حتى من جلدها. أنتِ تبعنا ولا تبع جزيرة إبستين؟".