الفن

كشفت الفنانة نورهان عن طقوس والدتها الراحلة في عيد ميلادها، مشيرة أنها كانت تعامله كالملكة المتوجة، وتحضر له قبل حلوله بشهر.

ونشرت نورهان مجموعة من الصور لها مع والدتها من ذكريات الطفولة، وذلك عبر حسابها الرسمي بموقع التواصل الاجتماعي “فيسبوك”.

قبل اختراع معاملة الأميرات.. كانت أمي سابقة عصرها و عملتهالي 

وعلق عليها قائلا: قبل اختراع معاملة الأميرات ، كانت أمي سابقة عصرها و عملتهالي، مامتي كانت بتعمل لي أعياد ميلاد الناس تسناها من السنة للسنه و  كانت هى تحضر لها من قبلها بشهر ،  و تزين البيت و تعمل البوفيه كله بنفسها و التورتة 3 أدوار كأني عروسة، و مع إنها كانت بتقف في المطبخ أسبوع كامل  قبلها هي و كتب أبلة نظيرة ، بس كانت تطلع يوم العيد ميلاد زى القمر كدة برده زى مانتوا شايفين".

 افتكرت جنب كل صورة ألف ذكري غيرها

وأضافت: معرفش إزاي و يبقي يوم تتحاكي بيه الأهل و الأقارب و الجيران، تقولش الأميرة قطر الندى، ايه يا مامي كل دا يا حبيبتي ، في بيتنا في إسكندرية فتحت الدولاب طلعت الألبومات، و أنا باقلب و باضحك و بابكي في نفس الوقت ، افتكرت جنب كل صورة ألف ذكري غيرها".

ربتيني وفضلتيني على الكل

واختتمت: جزاكي الله عني كل الخير يا حبيبتي، ربيتيني و رعيتيني  و فضلتيني علي الكل و علي نفسك،  أحسن مدارس و أحسن لبس وأكبر مكتبة كتب و وقتك كله كان مكرس ليا بكل اهتمام، بافكر دايما لما دلوقتي علماء النفس بيقولوا للأهالي أن الأهم من انك تشتري لولادك حاجات هو انك تقضي معاهم  وقت حلو وقتك و دعمك النفسي،  بافتكر أمي ازاي فعلا بقي مش هزار كانت سابقة عصرها و النظريات و الورش التربوية، اسألكم الدعاء لها.

وفاة والدة نورهان 

وكانت والدة نورهان قد رحلت عن عالمنا بالأمس.