الرياضة

تحدث محمود كهربا في حوار تلفزيوني مع الإعلامي إبراهيم فايق، كاشفًا عن مشاعره الحقيقية تجاه قرار رحيله عن النادي الأهلي، والدور الخفي الذي لعبه مسؤولو القلعة الحمراء في دعمه خلال مسيرته مع الفريق.

تصريحات كهربا 

وقال كهربا إن قرار خروجه من الأهلي كان من أصعب اللحظات في مسيرته، موضحًا:
"يمكن أنا مش عايز أفتكر.. لأن لو عاد بيا الموقف تاني، على البطولات اللي حققتها والتاريخ اللي عملته، ممكن أدفع مليارات والله العظيم."

وأضاف:"أنا أهلاوي صعب قوي.. ضحيت بمستقبلي عشان ألبس تيشيرت الأهلي ،مكنش فارق معايا رقم ولا أي حاجة غير إني أعمل تاريخ للنادي."

ووجّه كهربا شكرًا خاصًا للأستاذ جمال جبر، مؤكدًا أنه صاحب دور كبير في دعمه منذ انضمامه للأهلي:
"في ناس وقفوا معايا لازم أشكرهم.. وأستاذ جمال جبر بالأخص، دوره مش معلوم للناس، لكنه كان دايمًا سند لكل اللاعبين."

 وتابع:"من ساعة موضوع الغرامة، كان 24 ساعة يكلمني ويطمن عليّ ويقولي نساعد فين ونعمل إيه. ولسه بكلمه لحد من أسبوع أطمن عليه لأنه كان تعبان."

وخلال الحوار، سأله إبراهيم فايق عن رغبته في العودة للأهلي، ليجيب اللاعب دون تردد:
“أكيد طبعًا نفسي أرجع الأهلي.”

لكن عند سؤاله بشأن وجود أي تواصل من النادي في ظل استمرار فترة القيد حتى 8 فبراير، نفى كهربا تمامًا:

“والله العظيم ولا شفهي ولا رسمي ولا أي حاجة خالص.”

كهربا أكد في تصريحاته أن الباب بالنسبة له ما زال مفتوحًا، وأن مشاعره تجاه الأهلي لم تتغير، رغم غياب أي مفاوضات رسمية حتى الآن.