الفن

كشف الفنان عمرو سعد حقيقة اعتزاله الدراما التلفزيونية نهائيًا بعد عرض مسلسل إفراج في ماراثون رمضان المقبل 2026.

وقال عمرو سعد خلال في مداخلة هاتفية مع عمرو أديب: ده قرار مؤجل كلمة الاعتزال كبيرة.. أنا بقالي 5 سنين نفسي أرجع للسينما، أنا بصور في وقت كبير، فيلم الغربان بقالي 4 سنين بصور فيه، بفضل الله حققت أكبر نجاحات في الوطن العربي الفترة اللي فاتت.. عايز أعمل حاجة كبيرة بس سينما.

وأضاف: أنا عامل مسلسل هتلاقي فيه جودة تمثيل تليق بمكانة الدراما المصرية الدراما المصرية كبيرة يا جماعة.. في مسؤولية كبيرة محدش متخيلها، 5 سنين كتير عندي تعاقدات وحاجات عطلت عايز اشتغل عليها دي الفكرة اللي بتراودني بقالي سنتين.

وواصل: الدراما المصرية لو استعرضت تاريخها هتلاقي النجوم الكبار مستمرين لحد دلوقتي قدمت نجوم مش أكاذيب وسوشيال ميديا فيها إدعاءات فيه حاجة اسمها فيسبوك، الوعي المصري بيعتبر أي حاجة بتنشر فيسبوك حقيقة، أنا سمعت لقاء لعبدالحليم بيقول أنا بحاول أقدم فن ميغشش الناس أنا مقدرش مقدمش حاجات حقيقية

وتابع: الأكاذيب لا تعيش فيه ممثلين ظواهر ميديا مش بيمثلوا أصلا وبيقولوا أرقام مش حقيقة، فيه وزير سابق كان محبوس زمان لما طلع قالي عايزك تعمل 11 جزء من مسلسل شارع عبدالعزيز كنا بنشغله في السجن زي المروحة.

واستكمل: أنا أعلى وأغلى ممثل في الوطن العربي والناس كلها عارفة كده والحصول على توقعاتي من المنتجين كان آخر سنتين مذهل.

وأختتم عمرو سعد قائلًا: مسلسل عمرو سعد الأعلى والأغلى في الوطن العربي والحصول على توقيعاتي كان السنادي مذهل، قابلت أحد الوزراء القدامى قالي نفسي تعمل 11 جزء قالي وأحنا في السجن كنا بنسمعه زي ما بنشغل المروحة.