الرياضة

وجّه علاء ميهوب، نجم الأهلي الأسبق، رسالة قوية إلى لاعب الفريق إمام عاشور، وذلك خلال ظهوره عبر قناة "أون سبورت"، مؤكدًا أن الأزمة الأخيرة الخاصة بعدم سفر اللاعب شأن داخلي، لكنها تحمل رسائل مهمة.

تصريحات ميهوب عن الأزمة 

وقال ميهوب في بداية حديثه: “أنا مش هتكلم في الأزمة نفسها، ولا يخصني هو ما سافرش ليه.. أكيد الموضوع واضح وإدارة النادي الأهلي عارفة كل حاجة، وهيتعاملوا معاه داخل النادي.

وأضاف موجهًا حديثه لإمام:"أنا عايزك تعرف إنت فين بالظبط.. إنت في النادي الأهلي، أكبر نادي في أفريقيا والشرق الأوسط. أي حد يتمنى يمشي جنب النادي ده، مش بس ينتمي له."

 واستكمل حديثه :"إمام بقاله 3 سنين في الأهلي، وقبله في الزمالك اللي هو نادي كبير برده.. لكن لازم تبقى فاهم إنك في منظومة ليها قيمة وتاريخ. وإنت عملت مشاكل قبل كده واتخصم منك كتير."
 

وشدد ميهوب على قيمة الأهلي وتاريخه:"النادي الأهلي عمره ما وقف على حد. لاعيبة عظيمة جداً مرت عليه.. فلو مش مقدّر قيمة الأهلي وجماهيره، لازم تعرفها دلوقتي. قبل ما تبقى لعيب كويس، لازم تبقى محترم النادي وجماهيره."

"إوعى شيطانك يلعب في دماغك وتفتكر إنك أكبر من النادي الأهلي جماهير الأهلي مطلعاك لسابع سما، وممكن في ثانية تخسف بيك الأرض. 

اتعلم من اللي حصل، وافتكر إن أكبر حاجة تموت لعيب الكورة إنه ما يلعبش.

 خد خطوة ورا، وحس بقيمة النادي ده."
تصريحات ميهوب جاءت لتؤكد على أهمية الانضباط واحترام قيمة القميص، في وقت يواجه فيه إمام عاشور واحدة من أبرز محطاته داخل القلعة الحمراء.