كشف محمد مجدي أفشة، لاعب النادي الأهلي، كواليس مثيرة من مباراة الفريق أمام صنداونز في نصف نهائي دوري أبطال إفريقيا، مؤكدًا أنه شعر بمسؤولية كبيرة في اللحظات الأخيرة حين كان الأهلي متأخرًا.
تصريحات أفشة مع فايق
وقال أفشة في تصريحات تليفزيونية: "في نصف النهائي قدام صنداونز وإحنا خسرانين في آخر دقيقة، لقينا نفسنا في موقف صعب، وكان فاضل تغييرين. مين اللي ممكن ينزل؟
مفيش غيري أنا وحسين الشحات. رميت تيشيرت التغيير على الأرض ووقفت على الخط علشان أنزل. ساعتها مقللتش من حد، بس حسّيت إنها مسؤولية وكنت عايز أكسب."
عن أزمة الفوارق المالية
وتحدث أفشة أيضًا عن أزمة مقارنة رواتب اللاعبين داخل الفريق، مشددًا على أن كل لاعب يحصل على ما يستحقه دون النظر لغيره.
"كل واحد ليه رزق في الكورة. لو بتتكلم عن زيزو اللي جاي من الزمالك وبياخد مبلغ كبير، طبيعي لأنه جاي نجم وعامل طفرة وجاي فري. بس لما تيجي تطلب زيادة، متقولش أنا عايز زي فلان. زميلي مالوش ذنب ومش مسؤول. اطلب حقك أنت، لكن ملكش دعوة غيرك بياخد كام."
تصريحات أفشة لاقت تفاعلًا واسعًا، خاصة أنها تمس جانبًا حساسًا داخل الأندية الكبرى يتعلق بالمسؤولية داخل الملعب وعدالة الرواتب بين اللاعبين.