الرياضة

تغيب اللاعب إمام عاشور عن بعثة الأهلي المتجهة لتنزانيا ،وحكى شريف عبدالفضيل لاعب الأحمر السابق موقف مشابه مر به عندما كان لاعبا في صفوص الشياطين الحمر.

تصريحات عبدالفضيل 

وقال عبدالفضيل :"أنا حصل معايا موقف برضو في الأهلي، كان عندنا ماتش القطن الكاميروني قبل نهائي أفريقيا 2013 في الجونة، اللي حصل إن أنا كنت فاكر ميعاد الطيارة تلاتة، فظبطت المنبه على 11، أنا بصحى الفجر أصلي الفجر وبنام شوية وبصحى، طلع الميعاد أصلاً في المطار كام؟ 

تسعة، والله ما كنت أعرف، مستحيل أتمارض، عشان كدة نمت وصحيت الفجر

الفريق سافر، والناس بتدور،  طبعاً عندي في البيت زوجتي وأولادي روّحتهم أنا مسافر طبعاً معسكر وبتاع وقاعد في البيت لوحدي.

وتابع :" كابتن سيد عبد الحفيظ والناس بيدوروا، أنا فاكر موقف زي ده، كابتن سيد عبد الحفيظ وصلوا لزوجتي بتخبط عليا الباب: 'الحق الناس في المطار!'. 

قمت جريت على المطار، الإداري مستنيني، خدت الطيارة اللي بعدها على طول على الجونة.

قبل ما ينزلوا الملعب يا كابتن كنت في الملعب، والعقوبة اتوقعت عليا، كابتن سيد عبد الحفيظ أول ما دخل قالي: "حمد الله على السلامة يا بيه، فيه غرامة 10 آلاف جنيه ،انزل الملعب"

توروب: إمام عاشور؟.. الأهلي فوق الجميع

وردًا على سؤال حول غياب إمام عاشور، شدد توروب على أن اللاعب أخطأ، موضحًا أنه أكد منذ اليوم الأول بأنه لا أحد فوق الفريق، مما استلزام توقيع العقوبة، علي اللاعب معتبرًا أن هذا الأمر كافٍ في الوقت الحالي.

وأضاف أن الأهلي القدم مباراة جيدة في لقاء الذهاب أمام يانج أفريكانز، رغم عودة الدوليين قبلها بـ72 ساعة فقط بعد المشاركة في كأس الأمم الإفريقية، ورغم ذلك ظهر الفريق بشكل مميز في لقاء الذهاب وفي الدوري الممتاز، مؤكدًا أن الأهلي وصل إلى جاهزية جيدة استعدادًا لمباراة الغد، وأن جميع اللاعبين جاهزون ويقاتلون لتقديم أفضل ما لديهم.