الفن

كشفت الفنانة أسما شريف منير عن معاناتها خلال الفترة الماضية بسبب شكوكها المستمرة، ومحاولة الشيطان بإقناعها أن إلتزامها هو سبب مشاكلها في الحياة.

 أقرب الناس ليا خذلوني

وقالت أسما شريف منير في منشور  عبر صفتحها الرسمية بموقع “انستجرام”:⁨  الفترة اللي فاتت كانت صعبة. كان فيها كرب، رزق واقف، وشكوك بتتسلل لعقلي، الشيطان حاول يقنعني إن التزامي هو سبب المشاكل، حسّيت بضغط من كل ناحية، حتى من أقرب الناس ليا خذلوني، بدأت أشك في إيماني، لكن لما رجعت لربنا فهمت إن الابتلاء هو جزء من طريق المؤمن. الأنبياء نفسهم اتعرّضوا لاختبارات، وده كان دليل على قربهم من ربنا".

بقيت أشوف الناس على حقيقتها

وأضافت: ربنا صفّى لي رؤيتي بشكل أنا نفسي مكنتش متخيلة إني محتاجاه، بقيت أشوف الناس على حقيقتها،  مش على اللي كنت بتمنى يبقوا عليه، ولا على الكلام الحلو اللي بيتقال، ولا على النسخة اللي كنت ببرّرها في دماغي عشان ما أخسرش حد.، بدأت أفهم مين بيحبني بصدق، ومين كان موجود بس عشان أنا “مفيدة”، مين بيظهر وقت الجد حتى لو ده هيكلفه، ومين بيختفي أول ما الموضوع يحتاج منه مجهود، أو التزام، أو مجرد احترام".

إن مع العسر يسر 
 

وتابعت: أنا دلوقتي فاهمة إننا أحياناً بننسى إن الدنيا مش الهدف الحقيقي. المهم هو الآخرة، هو اختبار صبرنا. اللي عايزه أقوله، لو بتعدّوا بوقت صعب، اعرفوا إن ربنا لسه عايزكم، لو الدنيا وردي طول الوقت، اقلقوا. المهم، رجوعنا لربنا، صبرنا، وتسليمنا، الحمد لله دائماً وأبداً، إذا شفتوا كلامي، ادعولي".

ارتداء أسما شريف منير الحجاب 

وكانت أسما شريف منير سبتمبر الماضي، قد قررت ارتداء الحجاب، ووصف هذه الخطوة بأنه قرار من القلب وعهد معه الله لراحة نفسية.