الفن

رد بسام البريكان المتحدث الرسمي باسم مجموعة MBC على الجدل الكبير المثار حول أزمة برنامج  The Voice، والفنان أحمد سعد.

وقال بسام البريكان في تصريح خاص لـ"بصراحة": النتائج في The Voice تُحسم بتصويت الجمهور وهذا امر موثق ضمن اعلى المعايير.

وأضاف: ردات الفعل المختلفة من بعض المدربين جزء طبيعي من المنافسة الفنية لكن المهم منهم الان يقدموا الدعم بالفعل للمتسابقين بعد البرنامج.

تصريحات أحمد سعد

وكان قد قال أحمد سعد في بيان له في تسجيل صوتي: كل الناس عمالة تسألني من امبارح عشان التصريح اللي انا قولته على ذا فويس واني اتخدعت.

وواصل: أنا مش طالع اتكلم على اي حاجة، أنا بكن كل الاحترام على كل القائمين على البرنامج وكل الناس اللي اشتركت من اصغر واحد لأكبر حد، ودا مالوش علاقة خالص بالشخصيات أو بالصناع، أنا بس طالع اتكلم عن نفسي أنا، عني أنا شخصيا.

وتابع: الناس هتقول ان انا لو كنت كسبت كانت الناس هتقول انا اتخدعت، الموضوع مالوش علاقة بالمكسب والخسارة، كل اللي كسب يستحق، اأنا بتكلم عن الغلطات اللي انا عملتها في حق نفسي وحق جمهوري، زي أحمد عوادي انا بقالي اكتر من شهر بتشتم بس من الجمهوراليمني، كل الحب والتقدير ليهم مع إن في ناس غلطت فيا بشكل غير مقبول، ولكن في النهاية برجع واقول لهم عندكم حق انا غلطت، غلطت في اختيارات كتير جدا مكنش المفروض اعمل كدة.

واستكمل: محتاج اقول لجمهوري أنا اتخدعت، انا اخترت اختيارات مش كلها بارداتي الكاملة في مناخات وحاجات ماينفعش اقولها واحكيها وليها علاقة بالشغل وأدابيات الشغل، مكنش لي ذنب، ولو اتعاد عليا الزمن الف مرة كان في ناس زي احمد عوادي وناس تانيين.

وأختتم أحمد سعد قائلًا: كان ممكن اختارها بشكل انزه بالنسبة لي انا كشخصيتي أنا، واللي حصل حصل، وانا بصراحة مكنش المفروض اشترك في التجربة دي اصلا، التجربة ليها كل الحب والتقدير واد ايه هي عظيمة، بس بتكلم عن شخصيتي انا وحبي للجمهور ومكنتش مناسبة ليا انا واني لازم اظلم حد على حساب حد واقول حاجة على حساب حاجة وإن أطلب حاجة في سياسيات وثقافات اكبر من بساطتي وحبي لجمهوري وشفافيتي مع جمهوري، وعشان كدة بعتذر، ولكن مش بغلط في اي حد ولا بقول على اي حد إنه عمل حاجة غير لائقة او غير قانونية.