أعرب ييس توروب، المدير الفني للفريق، عن سعادته بالفوز الذي حققه فريقه، مؤكدًا أن الانتصار جاء في توقيت مهم بعد فترة غياب، رغم إمكانية تقديم أداء أفضل.
تصريحات توروب
وقال توروب في تصريحات عقب المباراة: «سعيد بالنتيجة، وكنا ممكن نقدم أداء أفضل من كده، لكن إحنا راجعين واحدة واحدة بعد غياب فترة طويلة. الانتصار بيدينا الثقة تاني ودي أهم حاجة في كرة القدم، وإحنا بنلعب كرة القدم من أجل الفوز وده حصل النهارده، وما زلنا على قمة المجموعة».
عن حراسة مرمى النادي
وتحدث توروب عن مشاركة مصطفى شوبير، قائلًا:
«حصلت جلسة امبارح مع شوبير والشناوي، وقلت لهم إن بينكم منافسة قوية وقريبة زي كل أفراد الفرقة، وده لازم يحصل عشان كل لاعب يبقى عارف إن في حد وراه ممكن يلعب في أي وقت».
وأضاف:
«اللي هيحصل في الماتشات الجاية هتشوفوه يوم التلات أمام وادي دجلة».
الصفقات الجديدة للفريق
وأشاد المدير الفني بمروان عثمان، مؤكدًا: «مروان عثمان عنده إمكانيات عالية تقدر تخدم الفريق، وأنا شوفت ده فيه من أول يوم، والنهارده أنا اللي أتحمل المسؤولية، وبالنسبة لأول ماتش ليه قدم أداء ممتاز».
واختتم توروب تصريحاته قائلًا:«مش مهم عندي مين يسجل، الأهم إن الفريق يصنع فرص كتير عشان نقدر نسجل منها، وأي طلب لأي صفقة دي حاجة بيني وبين النادي».