قرر المجلس الأعلى لتنظيم الإعلام، برئاسة المهندس خالد عبدالعزيز، إلزام جميع الوسائل الإعلامية الخاضعة لأحكام القانون رقم 180 لسنة 2018، بمنع ظهور أحمد حسام ميدو لمدة شهرين.
وجاء سبب إيقاف ظهور ميدو لما صدر عنه من تصريحات تحمل إساءةً وتشكيكًا في الإنجازات الرياضية التي حققها المنتخب الوطني المصري خلال الفترة من 2006 وحتى 2010.
ميدو يشكك في إنجازات منتخب مصر
وكان أحمد حسام ميدو قد أكد أثناء استضافته في بودكاست يقدمه أبوالمعاطي زكي، والذي قام ببثه عبر حسابات إلكترونية على مواقع التواصل الاجتماعي، أن منتخب مصر فاز في عدة مباريات بطرق غير رياضية.
يأتي هذا القرار بناءً على ما رصدته الإدارة العامة للرصد بالمجلس، وتوصيات لجنة ضبط أداء الإعلام الرياضي، برئاسة المستشار عبدالسلام النجار، عضو المجلس ونائب رئيس مجلس الدولة، وما انتهت إليه لجنة الشكاوى، برئاسة الإعلامي عصام الأمير، وكيل المجلس، بعد عقد جلسة استماع للكابتن/ أحمد حسام ميدو، والتي أبدى خلالها ردوده بشأن الموضوع المشار إليه.
ميدو يهاجم جون إدوارد
وفي سياق آخر، قال ميدو في تصريحات عبر برنامجه أوضة اللبس :"ربنا يكون في عون مجلس إدارة الزمالك، وأنا هنا مش بدافع عنهم لكن فعلاً هم في موقف صعب جداً بيان جون إدوارد أنا ما كنتش أتمنى أبداً إنه يخرج في التوقيت ده، لأن جون عارف كويس الموقف اللي المجلس فيه"
وتساءل:" هل بيبرأ نفسه؟ لأ للأسف هو بيشيّل مجلس الإدارة المسؤولية، والبيان ده أكد للجميع إن فيه خلاف موجود ما بين جون إدوارد ومجلس الإدارة"
وتابع :" دايماً في الشغل حتى لو عندي مشكلة مع الناس اللي شغال معاهم، ما ينفعش إني أظهر المشاكل دي
بيان صعب جداً، ومش عايز أقول بيان 'معيب' لكن بيان مينفعش يخرج من شخص بينتمي لنادي الزمالك.
وواصل :" أنا ما اتكلمتش مع جون، لكن البيان ده مينفعش يخرج من حد شغال جوه النادي، وكان لازم يبقى فيه رد فعل من مجلس الإدارة للحفاظ على هيبة وكرامة نادي الزمالك"
وتساءل بتعجب من جديد :"رد فعل زي إيه؟ إن مجلس الإدارة يطلع بيان ويقول إن البيان ده غير مقبول، وإن كل الناس اللي شغالة في الزمالك لازم تلتزم بقواعد النادي، وإن على الجميع تحمل ظروف النادي اللي مكنتش في إيد حد، واللي مش قادر يتحمل الظروف دي يمشي!
واختتم :"ده كان لازم يبقى فيه رد لحفظ كرامة الزمالك. ما ينفعش حد شغال جوه النادي، حتى لو بصيغة تعاقدية مختلفة، يطلع بيان زي ده، وما ينفعش أصلاً يطلع بـ 'اللوجو' بتاع نادي الزمالك وراه على صفحتك الشخصية"