وجه الموسيقار أحمد أبو زهرة نجل الفنان الكبير عبدالرحمن أبو زهرة رسالة شكر إلى الدكتور أحمد كوجاك وزير المالية، بعد إصدار قرار برفع الحجز على أموال والده.
وكتب أحمد أبو زهرة عبر حسابه بموقع “فيسبوك”: اتقدم بخالص الشكر والعرفان لمعالي وزير المالية لاهتمامه الشديد ومتابعة موضوع الحجز علي حساب الوالد ولقد امر سيادته بفتح تحقيق في الواقعة وتم رفع الحجز عن الحساب، واتمني إن تكون بداية الحل لهذا الموضوع ويتم قفل ملفه الضريبي تماما بما انه اعتزل الفن والعمل منذ اكثر من خمس سنوات.
الحجز على معاش عبدالرحمن أبو زهرة
وكان أحمد أبو زهرة منذ أيام قد أعلن الحجز على أموال والده من خلال منشور كتبه عبر “فيسبوك”، والذي جاء كالتالي: هل مؤسسات الدولة مش وراها غير عبدالرحمن أبو زهرة بدل ما يتم تكريمه من الدولة، كل فترة يحصل موقف مهين له مع انه لا هو عاوز حاجة من حد ولا مد إيده لحد ولا طلب اي شيء من أي انسان كل اللي هو طلبه انه يعيش أيامه الأخيرة في هدوء وسلام نفسي".
وأضاف: المرة دي مصلحة الضرايب بتهينه وتحجز عليه وياريته مثلا عنده املاك ومليارات في البنك لا دي بتحجز علي معاشه اللي مش بيكمل ربع ثمن الادوية اللي بياخذها، تم وقف حسابه البنكي اللي مفيهوش غير المعاش وحينما سألنا عن السبب قيل انه محجوز عليه من الضرايب".
وقال أحمد أبو زهرة في تصريحات خاصة لـ «بصراحة»: دي تاني مرة تحصل مش أول مرة يوقفوا المعاش بتاعه الضرايب.. هو والدي من 2020 مش بيشتغل ووقع وعمل عمليات كبيرة ووقف شغل نهائي.
وأضاف: يعني إنتوا بتطالبوني بضرايب وهو مش شغال أصلا؟.. لا وبيقولوا ليا اثبتلنا انه مشتغلش.. آخر ضرايب أنا دافعها بنفسي 2020.. مش هقعد أضيع وقتي وحياتي مع مصلحة ضرايب بدور على أي مشاكل فجأة الشهر ده حجزوا على حسابه مينفعش بجد اللي حصل ده.
واختتم: "مش أول مرة يوقفوا معاش والدي.. هو من سنة 2020 مش بيشتغل أصلا، روحت أكلمهم لقيتهم بيقوا أثبتلنا.. طب ده ينفع إنتوا بتدوروا على أي مشاكل وخلاص مينفعش بجد.