الفن

كشف محمد عبدالوهاب شقيق الفنانة شيرين عبدالوهاب تفاصيل الحالة الصحية لشقيقته بعد الأزمة الصحية التي تعرضت لها خلال الفترة الماضية.

 90 % من الأخبار مغلوطه وغير صحيح تماما

وأصدر محمد عبدالوهاب بيانا رسميا عبر صفحته بموقع “فيسبوك”، والذي جاء كالتالي: “أقسم بالله العظيم  90 % من الأخبار مغلوطه وغير صحيح تماماوالناس اللي بتاجر بيها في البرامج والمداخلات ولا في مجموعة فنانين اتحدوا وكل الهري ده كله غلط دي ناس عايزة لقطة ورتش مش اكتر محدش ساعد غير اتنين أحمد سعد وزينةـ بس ومحمود الليثي كان كل يوم عندها”.

حياتها عبارة عن حرب

وأضاف: "إحنا بقي بعيد ليه عشان اللي انته شايفينه ده حياتها عبارة عن حرب إحنا لما ادخلنا في 22 من أربع سنين اتقال علينا ايه إننا نهبنها ومستفدين وناس وحشين طيب ماشي نجحه إنهم يبوظو علاجها مين بقي دول طليها والمحامي بتاعهاو ساره الطباخ،  وأربعين صحفي تحت المستشفى تمام بعدنا ونجحه في إن علاجها يبوظ حلو بعد أربع سنين ناس تانيه غيرنا اهم فنانين ومعروفين وملهمش مصلحه اللي بيدور معاهم ".

مين اللي ليه مصلحه يطلع يشوه الناس دي زي

وتابع: “جابه كل تاريخهم القديم و دول كذا وكذا،  وإزاي دول اللي يعالجوها مين بقي اللي ليه مصلحه يطلع يشوه الناس دي زي ما شوهنا من قبلهم واللي طالع يقول مش صح إنها تروح بيت صحبها كله بيتاجر عرفت منين خضرتك إنها راحت عندها ومتاكد أوى”.

 خدت بينج و ماكنتش قادره تركب العربي

واختتم “موضوع بقي عربية الإسعاف زينه عدت عليها يوم قلتلها أنا حاسه إني تعبانه قلتلها مستشفي الجوي أهي قريبه يلا بينا راحت واطمنت عليها، وهما هناك الدكاترة طلبت منظار خدت بينج و ماكنتش قادره تركب العربية،  خدوها بسيارة اسعاف لحد بيتها دي كل الحكاية”.

حالة شيرين عبدالوهاب الصحية 

وعلم موقع "بصراحة" أن الفنانة شيرين عبدالوهاب تعاني من نزلة برد حادة مما أضطرت صديقتها المقربة ياسمين رضا لنقلها بسيارة إسعاف إلى منزلها لتكون بجانبها في ازمتها.

كما علم موقع بصراحة أن الفنانة شيرين عبدالوهاب ستصدر اليوم بيان صوتي لتطمئن جمهورها على حالتها الصحية بعد نقلها لمنزل شقيقة فنانة شهيرة.

وأكد المصدر أن حالة شيرين عبدالوهاب الصحية تتحسن نسبيا لكن تحتاج أن تخرج من العزلة والاكتئاب الحاد التي تعاني منه منذ فترة طويلة.

وأشار المصدر أن محامي الفنانة شيرين عبدالوهاب سيتخذ كافة الإجراءات القانونية اللازمة ضد كل من يحاول تشويه صورة الفنانة عبر مواقع التواصل الاجتماعي.