وجه الفنان أحمد عبد الحميد الشكر لكل من قام بالاتصال به والوقوف معه بعد وفاة ابنته.
وعلق قائلا على حسابه الشخصى بموقع التواصل الأجتماعى"فيسبوك":"متشكر لكل الناس إلى بتحبنى و وقفت جمبى فى مصيبتى بس الحمدلله اكتشفت الأيام إلى فاتت ان ربنا بيحبنى اكتر عشان يختبرنى و يبتلينى بجزء صغير من الابتلاءات إلى شافها الرسل و الأنبياء و عباده القريبين ".
وأضافة:" أنا مش زعلان أنا راضى و حامد و مبسوط مبسوط ان ربنا رزقنى بناس حلوة زيكم كلكم فى ضهرى و اتاكدت من محبتكم إلى ربنا يقدرنى و ارد جزء منها و ماشفش فيكم اى حاجة وحشة يارب".
وقد أعلن مؤخرا الفنان أحمد عبد الحميد وفاة ابنته، وذلك بعد مرور ما يقرب من أسبوعين فقط على وفاة والده محمد عبد الحميد، معبرا عن صدمته وحزنه الشديد بذلك.
وكتب أحمد عبد الحميد عبر حسابه على "فيسبوك": "أنا مش عارف ربنا بيحبنى ولا مش بيحبنى عشان ياخد منى أبويا وبنتى فى أسبوعين، الله جاب الله خد الله عليه العوض، لا نقول إلا ما يرضى الله، إنا لله وإنا إليه راجعون".
وأضاف، "بنتى ملاك عند ربنا وجنب أبويا، أنا مش هقدر حد يكلمنى ولا يعزينى وأنا شوية وهبقى كويس إن شاء الله".