الفن

كشفت الفنانة دنيا المصري عن أسباب غيابها عن المشاركة في الموسم الرمضاني القادم 2026.

مش عايز اعمل حاجة متكونش رسالة

وقالت دنيا المصري في تصريح خاص لـ "بصراحة": جالي عروض في رمضان ورفضتها، لأني مش عايز اعمل حاجة متكونش رسالة أوصلها للناس".

وأضافت: "وأنا بحاول على قد ما أقدر إختار الأدوار اللي أؤدي فيها كممثلة وفي نفس الوقت تبقى رسالة أوصلها للناس، علشان كده اعتذرت عن بعض الأعمال في رمضان، لأنها مش هضيف لي حاجة".

وتابعت: "الناس اللي بتشوف عمل ليا بتبقى مستنية مفاجأة، وده بالنسبة لي ثقة كبيرة بحاول أكون قدها، لإن دلوقتي غير زمان في مرحلة الإنتشار، اللي كنت وقتها ببقى عايز أقدم نفسي وخلاص بغض النظر عن الدور".

وإختتمت: "لكن أنا دلوقتي عايز اعمل حاجات حبها ومرتاحة نفسيا وأنا بعملها، وفي نفس الوقت تكون رسالة للناس".

لعبة وقلبت بجد

ومن ناحية أخرى، تشارك دنيا المصري في مسلسل لعبة وقلبت بجد بطولة أحمد زاهر المقرر عرضه غدا عبر منصة واتش ات.

وتدور أحداث  المسلسل  في إطار درامي نفسي حول  إحدى الألعاب الإلكترونية التي تقلب حياة الزوجين “شريف” و"شروق" رأسا على عقب، بسبب إدمان أطفالهما لتلك اللعبة، ومناقشة تأثير السوشيال ميديا والألعاب الإلكترونية على حياة العائلة واستقرار.

ويضم فريق عمل المسلسل  مجموعة من النجوم منهم أحمد زاهر، وريام كفافة، ودنيا المصري، وحجاج عبدالعظيم، وعمر شريف، ويوسف صلاح، ومنى زاهر، وريمون توفيق، وأمنية باهي، والعمل من تأليف علاء حسن، نسمة سمير، هبة رجب، هدير الشريف، وإخراج حاتم محمود.