الرياضة

انتشرت أمس أنباء عن انتقال حامد حمدان لنادي بيراميدز وتغيير وجهته من الأهلي للسماوي في اللحظات الأخيرة .

تصريحات أحمد شوبير 

وقال شوبير في ذلك الصدد :" الناس في بتروجيت كانوا مرحبين جدًا بعرض النادي الأهلي خاصة أن رغبة حامد حمدان كانت بالموافقة، لكن دلوقتي بيراميدز خلص كل حاجة واللاعب وقع على العقد الثلاثي والنهاردة هيتم تحويل المبلغ إلى بتروجيت"

وأكد أن:" قيمة الصفقة مش كبيرة زي ما الناس متخيلة وقد تكون أقل بكثير من المتداول و اللاعب هيتدرب مع بيراميدز فردي

وتابع :" في ناس كتير بتسأل ليه كنت بتقول إن توروب كان موافق على حامد حمدان وبعد كده مغير رأيه.

 الحقيقة هو شايف إن عنده كفاية من اللاعبين زي ديانج ومروان عطية ومحمد علي بن رمضان، وده خلاه يحس إن حامد حمدان مش هيلاقي فرصة للعب مع الفريق رغم إنه كان مؤمن بقدراته في البداية."

تصريحات شادي محمد 

 وقال الكابتن التاريخي للنادي الأهلي أن إدارة الفريق  أبرمت تعاقدات قوية خلال الفترة الماضية، ونجحت في ضم أسماء كبيرة وذات ثقل فني واضح

وتابع :"ييس توروب قدم عملًا مميزًا مع الفريق، واعتمد على أسلوب اللعب غير المركزي، وده خلق حالة انسجام واضحة بين النجوم داخل الملعب"
 

 وأكد أن :" ييس توروب هو من رفض التعاقد مع حامد حمدان، لأنه أكد عدم حاجته للاعب في الوقت الحالي، في ظل وجود أكثر من عنصر مميز في نفس المركز في الفترة الأخيرة ظهرت نغمة الصفقات للضغط على الأهلي، وراها وكلاء وصفحات هدفهم تحقيق مكاسب خاصة، والأهلي لازم يتعاقد فقط حسب احتياجاته الفنية"

وواصل :" لسه في بعض المراكز محتاجة تدعيم داخل الفريق، وعلى رأسها مركز رأس الحربة لزيادة الفاعلية الهجومية
في الأهلي عندنا مبدأ واضح: اللي يشتريني أشتريه، واللي يبعني أبيعه».

وأنهى :"في لاعبين بيتألقوا مع أنديتهم السابقة، لكن مش بيظهروا بنفس المستوى في الأهلي بسبب الضغوط الكبيرة وطبيعة المنافسة داخل النادي"