الرياضة

كتب الإعلامي إبراهيم فايق  عن مستجدات جديدة تخص صفقة انتقال مهاجم الأهلي الشاب حمزة عبدالكريم وانتقاله لنادي برشلونة .

معلومات فايق 

 وكتب إبراهيم فايق عبر حسابه على الفيس بوك :"‏لما اقولك متراجعش ورايا في قصة حمزة عبدالكريم يبقى متراجعش، لما اقولك مفيش مفاوضات وقفت وبرشلونة متمسك باللاعب والأهلي عنده انفتاح على خروجه يبقى متراجعش ورايا.
‏ولما قولت لك كان فيه فيديو من كام يوم وفيه محادثات حصلت بين والد اللاعب والوسيط ونادي برشلونة وقولت لك فيه عرض جديد هيتقدم متراجعش ورايا 
‏الجديد بقى ومتراجعش ورايا برضه 

العرض الجديد للاعب 

‏العرض اتقدم بالفعل ووصل الاهلي ومن حق النادي الرد خلال اسبوع.. العرض افضل نسبيا وبرشلونة رفع فيه نسبة اعادة البيع ل١٥٪ بدلا من ١٠ ٪ مع زيادة عدة بنود افضل لصالح الأهلي.
‏الاهلي سيقوم بدراسة العرض وسيرد خلال يومين بالكثير حرصا على مصلحة اللاعب.. والمعلومة المؤكدة  ان هناك تقارب كبير وتلاقي بين طلبات الاهلي وعرض برشلونة الجديد وقد تحسم الأمور ويخرج حمزة عبدالكريم لكتالونيا.
\تقدر تحط حمزة عبدالكريم على شاحن بتاع برشلونة بنسبة ٨٠٪؜

إبراهيم فايق عن الصفقة في وقت سابق 

 وقال فايق عن تطورات الصفقة :"في تطورات جديدة، نادي برشلونة قدم عرض لضم حمزة عبدالكريم على سبيل الإعارة لمدة 6 شهور مجانًا مع شراء عقده بمليون و250 ألف يورو

وتابع :"المبلغ ده ممكن يزيد لحد 4 مليون يورو حسب الأداء، الأهلي ممانعش ووافق على رحيله مؤقتًا، لكن بعد الـ6 شهور هيتم التفاوض على شراءه بشكل نهائي وتحديد السعر.

وأكد:" برشلونة رفض طلب الأهلي بزيادة نسبة إعادة البيع من 10% لـ20%، وتمسك بعرضه.

وواصل :"والد اللاعب مهتم بالحفاظ على علاقته الطيبة مع الأهلي ويريد خروج حمزة بشكل مرضي للجميع، وطلب منهم رفع بعض البنود في العرض.

وانهى:" المفاوضات لسه شغالة، والعرض الرسمي هيوصل للأهلي خلال أسبوع. الأهلي بيحبذ احتراف حمزة في برشلونة، لكن عايز يضمن حقوقه المالية في المستقبل"