الرياضة

صرح أحمد حسن (الصقر) وعميد الكرة المصرية على قناة دي ام سي بشأن فوز المنتخب أمس على جنوب إفريقيا 

تصريحات أحمد حسن 

 وقال أحمد حسن :"الفرحة حلوة مفيش كلام، أكيد النهارده الشعب المصري كله فرحان بنتيجة مباراة منتخبنا مصر وجنوب أفريقيا"

وتابع :"لازم أتوجه بكل الشكر للجهاز الفني واللاعبين على الأداء الرجولي، وعلى الهوية بتاعتنا كمصريين؛ هويتنا والروح العالية، الأداء الرجولي وفي وقت من الأوقا النهاردة الظروف اللي إحنا اتحطينا فيها وحالة طرد محمد هاني كان صعب ، يمكن المنتخب بدأ بشكل كويس  ولكن مع طرد محمد هاني أعتقد الأمور اتأزمت والأمور اتصعبت".

 وواصل :لكن رجالتنا كانوا قد المسؤولية، بدءاً من الشناوي، خط الدفاع بالكامل، نص الملعب النهارده، الشكل الهجومي بتاعنا حتى وإحنا ناقصين في وقت من الأوقات هددنا.

 وتابع :"أعتقد إن ده اللي قدر النهارده الجهاز الفني بقيادة الكابتن حسام حسن، بنبارك له وبنقول له ألف مبروك واللي جاي أحسن وأفضل إن شاء الله بإذن الله، وليه منحققش الثامنة؟

وشدد على :" إن شاء الله نقدر نجيبها  وأعتقد إن الجيل ده وصل في 17 ووصل في 21 ومقدرش يحقق البطولة، ولكن أنا قلت قبل كده  منتخبنا بيقوى مع الوقت."
 

وقال :"المنتخب المصري عنده هوية مختلفة، عنده حتة الروح العالية ودي اللي شفناها النهارده، وأعتقد إن دي هتدي دفعة معنوية كبيرة جداً جداً للاعيبتنا ولجهازنا الفني.

 واختتم :"أعتقد إن مع الوقت إحنا بنقوى، مع الوقت الأمور بتختلف،  قبل كده وقلت إن في 98 محدش كان يتوقع إن إحنا نروح نجيب البطولة، بدايتنا ماكنتش أفضل حال، ولكن نفس الحكاية؛ يمكن إحنا لما كنا موجودين كسبنا اللقاء الأول في 98 وكسبنا اللقاء الثاني وخسرنا من المغرب في اللقاء الثالث (ولو كل الناس تفتكر وقتها وكان الكل قلق برضه)، ولكن قدرنا إن إحنا نحقق البطولة"