استضافت الإعلامية سهام صالح، عمرو زكي نجم منتخب مصر و نادي الزمالك السابق، عبر برنامج الكلاسيكو المذاع علي قناة أون للحديث عن أسباب ابتعاده عن الساحة الرياضية خلال الفترة الأخيرة الماضية.
تصريحات عمرو زكي
كشف عمرو زكي، عن أسباب ابتعاده عن الساحة الرياضية قائلًا: “الحياه كانت وخداني فحصلت حاجات في حياتي مش أحسن حاجه”
وأضاف: الحادثه أثرت عليا نفسيا ماديا .. وفاة والدي أثر معايا جدا ولذلك كنت بعيدا عن المشهد خلال السنوات الأخيرة .
وتابع: أمي مبسوطه دلوقتي بسبب ظهوري .. أنا دلوقتي بفرح أمي ولولا دعوتها دلوقتي مكنتش طلعت تلفزيونيا ، حاسه بيا وحاسه أني مظلوم وصعبان عليها قعدتي.
وواصل: أخويا الكبير صابر هو أبويا التاني وسندي ودايما بيوجهني وفيه ناس كانت عاوزه تستفاد مني ماديا ومش بحب اتعامل مع الناس دي.
تواصل نجوم منتخب مصر السابقين مع عمرو زكي خلال فترة غيابه
أكد عمرو زكي نجم الكرة المصرية السابق، أن الحضري وأحمد حسن يتواصلان معه باستمرار للاطمئنان عليه
وقال زكي في تصريحات مع سهام صالح لبرنامج الكلاسيكو على قناة أون: فيه ناس بتتواصل معايا ومش بحمل حد حاجه.، دايما وانا في الزمالك اللي هو أكبر نادي في افريقيا والشرق الأوسط متعود اني لازم اكسب واخد بطولات.. زي منتخب مصر.
عمرو زكي عن شائعات مرضه التي طالته في الفترة السابقة
رد عمرو زكي نجم الكرة المصرية السابق، على الشائعات التي انتشرت عنه في الفترة الأخيرة، وحقيقة مرضه
وقال زكي في تصريحات مع سهام صالح لبرنامج الكلاسيكو: هذا الشخص تعمد أذيتي أنا وأهل بيتي، أما تيجي تتكلم ايه الهدف من انك تتكلم على لاعيب كورة، انا مش هذكر اسماء.. انا مش هزعل لما اقول لواحد.
وأضاف: زعلان من حاجات كتير، ومش هرد على حد معين ، وانا بقول للحد ده انت ليه مجتش كلمتني ليه.
وتابع: لازم أراعي نفسية الشخص، لأن المعلومه دي ممكن تاذيني وتأذي اهلي وبنتي وبيتي.
وأستكمل: بنتي بتصرخ بتقولي يابابا هو مفيش غيرك كل شويه يقولوا كلام غلط ، لو انا ماشي غلط مفيش مشكله تقولي غلط عشان أتعلم.
وواصل: المصداقيه هي اللي بتقولي اشتغل واطلع هنا ولا اطلع هنا، محدش أصلا كان بيتصل عليا ، أنا بوصل للناس بسرعه..
وأكمل: لو عاوزني ارجع للساحه يكلمني بيني وبينه مش على الشاشة وقدام الناس، أنت بتغفل الدنيا عشان أنت بتتكلم عليا بشكل غير لائق.