الرياضة

تحدث أحمد سليمان عضو مجلس إدارة نادي الزمالك اليوم مع مهيب عبد الهادي على قناة إم بي سي مصر عن الأزمات التي يمر بها الفارس الأبيض.

تصريحات أحمد سليمان 

 وقال سيلمان :إحنا أشخاص لكن الزمالك كبير بجمهوره وتاريخه، لو في حاجة حصلت خطأ من أي حد فينا، إحنا كلنا نتحاسب، لكن مش عايز نادي الزمالك هو اللي يتحاسب.

وتابع : الحاجات دي طلعت باسم النادي مش باسم أحمد سليمان أو كمال درويش أو حسين لبيب و لو في خطأ إداري عاقبونا، بس الكيان ميتضرش

وواصل : شفت مدرب الأردن (المساعد) بيقول أنا زمالكاوي وأفتخر، الوطن العربي وأفريقيا كلها بتحب الزمالك وشعبية كبيرة  

 وأكد في ملف الخروج من الأزمة أن :الموضوع بيع اللاعبين مش حل، أنا لما أبيع الخمس لاعيبة اللي هما 'عمود' نادي الزمالك دلوقتي عشان أجيب فلوس، طب هجيب لاعيبة منين؟ مين الناشئين؟

 ونوه على ما قام به المجاس قائلا :إحنا جبنا لاعيبة 'فري' وعرفنا نشتغل صح، زي ناصر ماهر وعبد الله السعيد ومحمد شحاتة اللي جبناه بـ 20 مليون بالتقسيط ودلوقتي هو في منتخب مصر.
 

واختتم : لو سألتني، الزمالك فريق كبير، والسنة اللي فاتت لولا الظروف كان يقدر يحقق كتير، وبيراميدز لولا خسارته من البنك الأهلي وفاركو كان الدوري راح في حتة تانية الاستقرار هو اللي بيعمل الفارق مش بس جودة اللعيبة لأن الفروقات قريبة.

رسالة سليمان على الفيسبوك

وكتب سليمان عبر حسابه الرسمي على موقع التواصل الاجتماعي «فيس بوك»: «إلى من يهمه الأمر، إذا كان هناك أي خطأ منسوب إلى مجلس الإدارة، فنحن على أتم الاستعداد للمحاسبة والمساءلة، وأنا أول من يمثل أمام أي جهة مختصة».

وأضاف: «أما الكيان، فهو رمز رياضي مصري عريق، مملوك لأعضائه وجماهيره، ولدي كامل الأمل في أن نتكاتف جميعًا للحفاظ عليه، وصون تاريخه ومكتسباته، والعمل على تنميته، حتى يكون قادرًا على مواجهة التحديات المستقبلية»