عبر الفنان أحمد السقا عن حزنه بعد دعمه للنجم المصري محمد صلاح من خلال فيديو نشره عبر حساباته الرسمية بوسائل التواصل الإجتماعي، قائلا: “ أنا صعبت عليا نفسي.. بالبلدي كده أنا اتهتك عرضي حرفيا وكل اللي حصل ده بجد حرام .. انا عايز اقول حاجه للناس.. الراجل اللي انتوا اهانتوه واهانتوا امه وابوه واهله واولاده هو نفس الراجل اللي صنعوته ونجمتوه وفي شورت وفانله وكاب ومافيا وافريكانو وكتير من كل ده.. انا مش بتاع تريندات انا النجم اللي صنعتوه ولو مش عايزيني قولولي وانا مش هطلع في اي حاجه والله العظيم بس حرام اللي عملتوه ده”.
أحمد السقا و محمد صلاح
وأضاف “السقا” خلال مداخلته مع الإعلامي عمرو أديب في برنامج الحكاية، قائلا: “ أنا اتبهدلت .. ليه يحصل معايا كده وليها يحصل مع امي وابويا وولادي وصحابي .. انا غلط علشان قولت انا ميجا ستار فأنا اسف انا اصغر ستار.. بس ليه الشتائم والألفاظ اللي اقلها يوصل للحبس بس والله العظيم انا ما هأذي حد ورب الكعبة انا مش هأذي حد.. انا اقل من اقل اي حد في العالم .. ليه بقي مفيش حدر من الاقوياء مقدرش يطلع يتكلم كلمتين في حق الراجل اللي مشرفنا ومكبرنا في العالم”.
وأردف الفنان أحمد السقا قائلا:" أنا اللي زعلني ان بعد اللي عملته لقيت علي كل الصفحات الرياضية والسياسية شتائم وإهانات.. أنا اتهانت بكلام سئ جدا وزعلني وأحبطني.. أنا محذفتش حاجه وأنا مبعملش حاجه وأرجع فيها.. وأنا محبط جدا من اللي حصل وردود الفعل من الناس المختلفة في الرأي ويعلم ربنا اني بعلم كل ده دعم لأخ مصري مشرفنا في العالم.. انتوا متعرفوش انا شكلي عامل ازاي وشكلي عامل ازاي دلوقتي ونبرة صوتي واضح للكل قد اي انا زعلان.. انا عايز اعرف الناس اللي شتمتني واهانتني واهانت وشتمت صلاح قبل كده .. عايز اعرف بقي عملتوا اي لما محمد صلاح نزل وعمل اسيست وقلب الدنيا في الملعب".
واختتم “السقا” حديثه بنبرة كلها حزن، وقال: “ انا مش مصدق اللي بيحصل والله العظيم مش مصدق الناس اللي عملوني وصنعوني ونجموني يعملوا ازاي كده فيا.. الله يسامحهم وحقي عند الله ” .