أخبار

كشف السيدة فاتن ابراهيم، والدة الراحل السباح يوسف محمد سباح نادي الزهور لـ بصراحة ، عن تفاصيل اللحظات الأخيرة في حياة نجلها، قائلة:
“ابنى مات و  نفسه  فى سندوتش جبنة و  اتصل بجدته و طلب منها محشى ، و انا كنت حرماه من أكلات معينة علشان البطولة بعمله أكله بالميزان و فى الاخر يقولوا منشطات.. طلب يحضنى قبل ما ينزل حمام السباحة و قالى انا شايف قمرين واحد فى السما و التانى أنا.. هفرحك النهاردة بالبطولة”.

السباح يوسف محمد

وأضافت: " ابنى حقق بطولات و ميداليات كتير و كان بيحلم يعمل حفلة تصوير.. وقالى نفسى اتصور كتير يا ماما بعد البطولة و كأن قلبه حاسس انه هيبقى مشهور فعلا، ولما شوفت ابنى بيموت فى الاسعاف لانه من غير دكتور اتشعلقت فى الاسعاف و قلت لهم سيبونى أنقذه أنا دكتورة و هلحق أنقذ ابنى، لكن رفضوا يدخلونى، وأخته التوأم اتصلت بيا و انا داخله المستشفى بيه و صرخت و قالت فين يوسف  هاتي يوسف و تعالى بسرعة يا ماما و مكنش حد يعرف حاجه.. وطلب منى يلبس شورت اسود و هو نازل البطولة  رفضت و قولت له بلاش  اللون الاسود يا حبيبى
قالى ليه ده انا هفرحك النهارده".وتابعت والدة الراحل: “ ابنى كان في مسابقة الـ 50 متر دولفين والمسابقة اللي قبل دي وهو واقف دماغه اتهزت وهو واقف على البلوك  الحكم حرمة من الذهبية بعد ما طرده ومكملش المسابقة.. كان في 10حكام  فى ناحية و 10 الناحية التانية  و المنقذين ازاي محدش فيهم شاف ابني.. كل اللى اتعمل فى المستشفى كان لازم يتعمل فى الاستاد قبل ما يتحرك”.
 

يذكر أن اللاعب يوسف محمد لاعب نادي الزهور توفي بعد تعرضه لحالة إغماء مفاجئة تحت الماء عقب انتهاء سباقه مباشرة، ليتم نقله إلى المستشفى ويدخل الرعاية المركزة، لكنه فارق الحياة بعد دقائق قليلة من الفوز.