الفن

أعرب رجل الأعمال هاني توفيق مالك براند إيطاليانو عن سعادته البالغة بنجاحه الساحق الذي حققه خلال الأعوام السابقة، وكونه الراعي الرسمي لـ حفل جوائز الميما 2025، بحضور نجوم وصٌناع المزيكا في مصر والوطن العربي.

وقال هاني توفيق خلال لقائه مع موقع “بصراحة”: أنا النهاردة سعيد إني الراعي الرسمي لحفل جوائز الميما وشاكر الناس كلها على البراند بتاعي ونجاحه، والناس كلها شايفاه إنه رمز لمصر في نجاح البراند ونجاح الجودة، النجاح مش سهل والحفاظ عليه مش سهل التوفيق من عند ربنا.. التخطيط الجيد أي منتج قوي في الدولة نجاحه بيكون سهل وأهم حاجة الناس اللي معايا بحب استثمر فيهم والبراند بتاعنا وصل لأعلى براند موجود في السوق.

بدايات هاني توفيق مالك براند إيطاليانو

وأضاف: البدايات كانت صعبة وبدأت من 2013 السوق المحلي مكنش قوي جدا والسوق المستورد كان قوي لكن توفيق ربنا والحكومة المصرية علت المنتج بقى اللي يجي من برا عالي جدا والعميل المصري بدأ يبص للمنتج المصري الحكومة حطت ايديها على الموضوع احنا اشتغلنا وكل المصانع المصرية اشتغلت لحد دلوقتي المحلي بقى 99 % مصري.

وعن المافسة قال هاني توفيق: أنا مش بنافس حد أنا بنافس نفسي وبشهادة الناس كلها افضل منتج محلي اتعمل هو ايطاليانو والسوق المحلي بقى قوي جدا في مجاله والمصانع قوية أنا مبسوط لمنتجي ومنتج غيري.

حفل جوائز الميما

يذكر أن جوائز الـ MEMA تأسست عام 2008 وتقام سنوياً ويقوم بتنظيمها مجلة "دير جيست" Dear Guest Magazine وتعتمد في منحها على تصويت الجمهور.

وكرم الميما مساء أمس العديد من نجوم الفن في مصر والوطن العربي، وكان أبرزهم: "تامر عاشور، نيكول سابا، عمرو مصطفى، محمد الشرنوبي، هنا يسري، مروة ناجي، محمود الليثي، عمر كمال، المنتج هاني محروس، وغيرهم الكثير من المكرمين.