الرياضة

تحدث محمد بركات نجم النادي الأهلي ومنتخب مصر السابق، كواليس انتقاله لصفوف المارد الأحمر، وما واجهه من عقبات.

انتقال محمد بركات إلى صفوف الأهلي

قال محمد بركات: “في عملية انتقالي من قطر للنادي الأهلي كان الموج عالي أوي وانتقادات كبيرة جدا، ده بركات مخلص كورة ده بركات ده كبير ده عيان وعنده الغدة الدرقية، ومش هيديك حاجة والأهلي اشترى التروماي ده الأهلي شرب مقلب”.

وتابع مع الإعلامي معتز الدمرداش: “حاجة صعبة خصوصا إنك جاي مش نادي عادي أنت جاي الأهلي، وجاي حاطط في دماغك خلاص عاوز تعمل تاريخ وتلعب مع الرجالة بتوع الأهلي، دي البداية اللي إنت تقابلها وأنت عليك حمل بزيادة”.

وأوضح: “مخرجتش من الموضوع ده غير عن طريق مانويل جوزيه، أنه ياخدك الأوضة قبل ما تنزل أول تدريبة ”أنت عارف أنا جيبتك ليه، أنا جيبتك عشان أنت من أحسن اللعيبة في مصر، أنا جيبتك عشان تعمل إضافة للأهلي" قبل ما تنزل التمرين".

وزاد: "وقبل أول ماتش تلاقي جمهور الأهلي في المدرج، وبصوت واحد وبيهز المدرج ويغنيلك "بركات بركات والله بعودة يا بركات".

وأتم: “أنت عاوز إيه أكتر من كده، كان ممكن يكون استقبال عادي، لكن الجمهور مع بعضه وبقى ده الهتاف اللي بيقولهولي جمهور الأهلي”.

نتيجة مباراة الأهلي وشبيبة القبائل في دوري أبطال إفريقيا

وكان الأهلي قد حقق الفوز على شبيبة القبائل الجزائري بنتيجة 4-1، في اللقاء الذي جمع الفريقين مساء اليوم على استاد القاهرة ضمن منافسات افتتاح دور المجموعات لدوري أبطال إفريقيا.

ترتيب مجموعة الأهلي في دوري أبطال إفريقيا

واعتلى الأهلي بهذه النتيجة المجموعة الثانية من البطولة بثلاث نقاط وفرق ثلاثة أهداف .

وجاء ترتيب المجموعة كالتالي :

1-النادي الأهلي : 3 نقاط  سجل 4 استقبل 1 فرق 3

2-يانج أفريكانز:  3نقاط   سجل 1  استقبل 0  فرق 1

3- الجيش الملكي :0 نقاط   سجل0  استقبل 1 فرق -1

4-شبيبة القبائل : 0 نقاط   سجل 1 استقبل 4  فرق -3