رثت الفنانة الشابة ماس محمد رحيم والدها الملحن الراحل في ذكرى رحيله الأولى، وذلك من خلال منشور لها عبر حسابها الشخصي بموقع التواصل الاجتماعي “انستجرام”.
وكتبت ماس رحيم: فكرت كتير في الكلام الي نفسي أقوله النهارده و الي عارفه كويس اوي انه هيوصلك و هتحس بيا عشان الي بيني و بينك مكانش و عمره ما هيكون في الارض و انتهى عليها و بس.
ماس محمد رحيم تتذكر والدها
وأضافت: يمكن بقالي ٣ شهور بحاول اجمع كلامي و بقالي سنه بحاول اصدق، انا بقيت ادور عليك في تفاصيل عمري. ما كنتش باخد بالي منها في العادي..بدور على صوتك في كلامي و ملامحك في مرايتي و في وشوش اخواتي و اهلنا.
واكملت : كل ما بتوحشني يا بابا بتفرج عليهم و بشوفك فيهم. كل كلامك يهمني و اي حاجه كانت بتيجي في بالك و لو ثانيه كانت بتشغل تفكيري و يمكن عشان كدا انا مش بنسى، انا كنت بشوف حركاتك و تعبيراتك و مش بعيوني و خلاص انت ليك مكان خاص جوا قلبي، و كل ما أفتكر ذكراياتنا و ارجع للماضي، من كتر احساسي بيك بحس ان اللحظه لسه عايشه و ان في بعد تاني انا و انت و هارتي قاعدين سوا في المكتب بنضحك بليل على حاجه مفيش حد هيفهمها لو سمعونا، او لسا بنتمشى في الشارع و انا بتغني بصوت عالي عشان انا و هارتي نضحك و نتكسف و انت تضحك على رد فعلنا، انا فقدت روحي و نفسي و احساسي و ادراكي و شغفي لما انت مشيت و لاكن كل مره بفتكرك فيها والله والله بيرجعولي تاني.
وأختتمت: و لو حد عايزني في حاجه بجد يحلفني بعيونك، ذكرى اليمه و بتوجعني و بتحطمني و لاكن كفايه عندي اني بفتكرك انت، و رب العالمين رزقني بيك و خلاني بنتك و خلى حبك في قلبي كبير كدا عشان توحشني اوي اوي اوي اوي كدا. ادعو ل قلبي بالرحمه و المغفرة