الرياضة

أوضح الإعلامي خالد الغندور، أن محمد الشناوي حارس مرمى منتخب مصر، اعتذر لحسام حسن أمام جميع اللاعبين بعد اعتراضه على استبداله لصالح مصطفى شوبير قبل اللجوء إلى ركلات الترجيح.

اغتذار الشناوي لـ حسام حسن

قال خالد الغندور: "محمد الشناوي قال لحسام حسن أمام الجهاز الفني واللاعبين: "مكنش قصدي والله يا كابتن، أنا كنت داخل في جو المباراة وجاهز لركلات الجزاء عادي".

وأكد الغندور أن الشناوي قال لحسام حسن: "مصطفى شوبير أخويا وعلاقتي به قوية ومفيش أي أزمة إنه يلعب".

وأتم الغندور حديثه، على أن حسام حسن تقبل اعتذار محمد الشناوي والأزمة انتهت.

تصريحات حسام حسن

قال حسام حسن: “عايزين تطلعوني تريند ولا يهمني، وأنتو بتحاربو المدربين الوطنيين، يا راجل ده ميكالي مدرب المنتخب الأولمبي كان بياخد مبلغ وقدره، وعيب عليكم بصوا لمدرب المغرب الوطني”.

وتابع خلال المؤتمر الصحفي عقب لقاء كاب فيردي: “إحنا جهاز وطني بناخد بالجنيه المصري كراتب، واللي شايف إننا معملناش إنجاز بوصولنا لكاس العالم وكاس الأمم بدون هزيمة، بقولهم خليكم محروقين مننا”.

وأكمل: "أنتوا مبتفهوش حاجة، أنتو عارفين مين حسام وإبراهيم، تاريخنا إيه، فيه ناس جم دربوا منتخب مصر مكنوش اتولدوا وإحنا بنعمل التاريخ، بقول للمنتقدين "موتوا بغيظكم".

وزاد: “الجهاز يعمل إيه أكتر من كده، جربنا لاعيبة وعملنا اللي علينا، واللاعيبة مرهقة جدا، بسبب السوبر المصري، واللي بيفهم في الكورة هيعرف إني مقدرش أزود في الأحمال”.

وأضاف: “الراجل هناك لو خد الفرصة هيكسر الدنيا، لكن الفرق اللي بنلاعبها محترفين في كل حتة في العالم، وهنقابل منتخبات إفريقيا اللي عندهم 26 و 28 محترف في إنجلترا وفرنسا وإسبانيا”.

واختتم حسام حسن تصريحاته: “عندنا لاعيبة محلية بنحاول نخليهم دوليين، بنحاول إنهم يشيلوا علم مصر، وأنا ولا فارق معايا إلا القيادة السياسية الناس اللي جابوني، غير كدا مفيش حد يفرق معايا غير الشعب المصري”.