أعرب الفنان أحمد عز عن سعادته البالغة بحفل افتتاح المتحف المصري الكبير، والحضور الرائع الذي سيطر على الحفل الذي أقيم أمس.
وقال أحمد عز في تصريح تلفزيوني: إحنا بلد تاريخ وحضارة مصر قررت تفتح فصل جديد، اللي عايز يتعلم يعني إيه حضارة وصمود، يشوف مصر وهي بتفتح متحف في وسط كل الحروب اللي العالم بيمر بيها.
وأضاف: حتى مع وجود بعض الصعوبات الاقتصادية، إحنا أكبر من كل الظروف، إحنا عندنا ضيوف من كل العالم في وسط كل الحروب دي، لأن ببساطة دي مصر، من الأزل ولحد ما ربنا يقرر انتهاء الأرض وما عليها فخور إني مصري، لأن نجاح مصر هو نجاح للأمة العربية، وأنا من الجيل اللي بيقول زي عبد الحليم وحياة عروبتي.
عمرو محمود ياسين يدافع عن افتتاح المتحف المصري
وكان قد دافع المؤلف عمرو محمود ياسين عن مخرج حفل افتتاح المتحف المصري الكبير، بعد موجة الانتقادات الحادة التي طالته على مواقع التواصل الاجتماعي خلال الساعات الأخيرة.
ونشر ياسين عبر حسابه على "فيسبوك" منشورًا عبّر فيه عن استيائه من الهجوم، قائلًا: "يا جماعة خلاص والله عيب.. حتى لو المخرج أخطأ في بعض التفاصيل، هل من الطبيعي إن السوشيال ميديا كلها تقوم عليه؟ اللي بينتقد واللي بيستهزأ واللي بيتنمر، كأن الراجل ده مالوش أهل ولا أولاد ولا أسرة! حد فكر هو هينام إزاي النهارده؟ أو أسرته عاملة إزاي؟".
وأضاف: "في النهاية، الموضوع لا يتجاوز كونه حالة عدم توفيق، وده طبيعي ممكن يحصل لأي حد في أي شغلانة. ليه المشانق اللي بتتعلق على السوشيال ميديا؟ ولما بيحصل لحد ضغط نفسي أو أزمة كلنا بنزعل! الراجل تحت ضغط رهيب ومجهود كبير.. بالراحة شوية".