في حوار إنساني مليء بالمشاعر والذكريات، استضافت الإعلامية لميس الحديدي الكابتن محمود الخطيب رئيس النادي الأهلي، في لقاء خاص تناول فيه مسيرته، وتحدياته الصحية، وكواليس قراراته الأخيرة بشأن مستقبله داخل القلعة الحمراء بداية اللقاء ترحيب دافئ وحديث من القلب .
بدأت لميس الحديدي اللقاء بخفة ظلها المعتادة قائلة
“انت بقي اللي ترحب بيا ولا أنا اللي أرحب بيك يا كابتن
ليجيبها الخطيب بابتسامة هادئة “لا، انتي منوّرة، انتي وكل البرنامج بتاعك كله.”
وسألته لميس عن مكان التصوير، ليؤكد الخطيب: “احنا في فرع من فروع الأهلي.”
لتعلق الحديدي قائلة بسعادة “الله، عشان كده قلبي فرحان وبيرقص، وعندنا 4 فروع ما شاء الله.”
ورد الخطيب قائلاً بفخر “طبعا، أي مكان بيحمل اسم الأهلي فهو أحلى حاجة في الدنيا.”
تفاصيل الحالة الصحية للكابتن محمود الخطيب
تحدث رئيس النادي الأهلي عن حالته الصحية قائلاً "الحمد لله أنا في نعمة كبيرة جدًا، عندي شوية ظروف صحية بس. كل 6 شهور بعمل فحوصات، وفي شهر أكتوبر اللي فات اكتشفت حاجة مش لطيفة شوية."
وأضاف أنه حاول الابتعاد عن الضغوط والراحة بعد نصيحة الأطباء، لكنه لم يتمكن من ذلك بسبب وفاة الراحل العامري فاروق، نائب رئيس النادي، قائلاً “الدكاترة قالولي لازم أجازة وتبعد عن الضغوط كلها، بس لما ربنا توفاه، كان صعب أسيب النادي يدار لوحده.”
إصابات وعمليات مؤلمة.. وذكرى مؤثرة مع بورسعيد
كشف الخطيب عن معاناته الصحية قائلاً "أنا عامل خمس عمليات في العمود الفقري، وفي نفس يوم حادثة بورسعيد كنت بعمل عملية إزالة ورم من المخ."
ثم توقف قليلاً وقال بأسى “رحمة الله على أولادي في هذا اليوم.”
قرار الاعتزال والترشح من جديد
تحدث الخطيب عن مرحلة التفكير في الاعتزال قائلاً “كنت بشتغل في النادي من 8 لـ 12 ساعة يوميًا، ودلوقتي مش قادر أعمل كده خالص. فكرت ساعتها في الاعتزال وعدم الترشح، لكن الناس هي اللي أجبرتني أكمل.”
وأوضح أنه قرر خوض الانتخابات مجددًا ولكن بطريقة مختلفة “قررت أترشح تاني، بس كل واحد في المجلس هيكون ليه شغل معين في النادي، ومش هيكون عليّ كل حاجة زي الأول.”
دعم الأسرة وحب الأهلي
أشار رئيس الأهلي إلى دور زوجته في تلك المرحلة الصعبة قائلًا:
“زوجتي قالتلي كفاية كده وارتاح، عشان أسرتك وأهلك محتاجينك، بس هما مقدرين جدًا يعني إيه النادي الأهلي في حياتي “الأهلي مش بخطيب.. الأهلي بجماهيره”
“خوفت على الأهلي لما قررت تعلن عدم خوضك الانتخابات .. ليأتي رد الخطيب نابعًا من قلب العاشق للنادي
"عمري ما خفت على الأهلي طول ما جمهور الأهلي موجود. الأهلي من يوم تأسيسه وهو من غير الخطيب، وهييجي يوم ويكون من غير الخطيب، الجمهور هو القائد الحقيقي للنادي، وهو اللي بيخليني ما أخافش أبدًا على الأهلي."