تحدث سيد عبد الحفيظ المرشح لعضوية مجلس إدارة النادي الأهلي، عن خطته لتدعيم صفوف القلعة الحمراء خلال الفترة القادمة، في فترة الانتقالات الشتوية.
تدعيم صفوف الأهلي
قال سيد عبد الحفيظ: “نحاول استغلال أي فرصة لتقوية فريق الأهلي بصفقات جيدة، سيكون هناك دعم قوي ومناسب للفريق في شهر يناير المقبـل”.
وواصل عبر برنامج الكورة مع فايق: “هدفنا الجمع بين الجودة والشخصية في أي صفقة تتم لصالح الأهلي، سيكون هناك فترة توقف جيدة في يناير، نسعى لاستغلالها في تدعيم الفريق بقوة”.
وأكد: “لم يتم فتح ملف عودة وسام أبوعلي من الأساس، والأهلي لديه القدرة على جلب اللاعبين بجودة جيدة، والاستثمار في الفريق دور من أدوار الإدارة”.
وأوضح: “مجلس الإدارة عامل زي الفريق، كل واحد يؤدي دوره على أكمل وجه”.
وذكر: “أي حد مش مقدر شعار الأهلي ربنا يوفقه في أي مكان تاني، من الآخر لو عقليه أي لاعب مش مناسبة للأهلي يبقي مع ألف سلامة”.
تصريحات سيد عبد الحفيظ
وأكمل: “قطاع الناشئين هو كنز النادي السنين اللي فاتت، ودا اللي هنشتغل عليه الفترة الجاية، لأن لازم يكون عندنا أفضل اللاعبين في كل المراكز اللي هيحتاجها المدير الفني للفريق”.
وذكر: “أنا معرفش بكرة فيه إيه، ولكن أنا مش ميال أخد لاعب من الزمالك أو بيراميدز، إلا لو عقده هيخلص”.
وأضاف: “لنجاح في التحضير الجيد في الصفقات المطلوبة وقطاع الناشئين سينهي الكثير من المشاكل داخل الأهلي”.
وأردف: “عبدالقادر لاعب كويس ومختلف، ويهمنا أنه يكمل في الأهلي، لكن مفيش أرقام لسه اتعرضت عليه”.
وأتم: “الحمد لله متفائل بالدنماركي توروب، وعرفت أنه اتفرج على ماتشات كتير من ضمنها مباراة القمة، وعلى دراية كبيرة باللعيبة، وان شاء الله يكون موفق”.