عبر الإعلامي أحمد حسام ميدو، عن سعادته بما تقوم به مصر في مؤتمر شرم الشيخ للسلام واحتفال السوشيال ميديا بالمشهد الدبلوماسي المشرف.
تصريحات أحمد حسام ميدو
قال أحمد حسام ميدو: "ما قام به فخامة الرئيس عبدالفتاح السيسي هو شيء كبير وخطف أنظار العالم لأن مصر جمعت جميع رؤساء العالم من أجل السلام".
وتابع خلال برنامج البريمو: "الرياضة جزء أصيل مما يحدث، ومصر دائمًا في الريادة، ومبروك لشعب فلسطين أن تعود الحياة لديهم بشكل طبيعي وكان عمل الرئيس في وقت طويل من أجل مصلحة مصر".
وأردف: "كل رؤوساء العالم كانوا لدينا وانبهروا بما قدمته مصر من أجل السلام وكل دا تم التحضير ليه في أسبوع واحد بس لإننا مستعدين والكبير بيثبت انه كبير بالشغل".
وأضاف: "كلنا ماشيين رافعين رؤوسنا بسبب اللي قدمه الرئيس السيسي اللي مش بيتكلم كتير لكنه بيقدم كتير أوي لينا، وأما يجيي رئيس أمريكا ترامب ويتكلم ان مصر كانت سبب رئيسي في اللي حصل دي حاجة كبيرة وطبيعية في حق مصر لإننا دايمًا بتاريخنا الكبير بنتكلم عن نفسنا".
وواصل: “مش أي بلد تقدر تعمل اللي مصر عملته، ومهما اتكلم ناس كتير عن مصر مش هيأثروا في حاجة احنا في بلد لا يتم تهميشها، مصر بالقيادة السياسية تعدى كل الضغوط اللي اتحطت فيها من فتح المعابر وإن الفلسطينيين يدخلوا مصر زي ما هما مخططين”.
أحمد حسام ميدو
وأكمل: "لكن مصر تقف لهم من غير سلاح وتقولهم احنا بلد الحرب لو عايزين حرب وبلد السلام لو عايزين السلام واتصدرنا المشهد بذكاء القيادة المصرية، الأسبوع دا كل مصري رافع راسه انه مصري كل العالم بيتكلم على مصر بس وعظمة المصريين".
وذكر: “احنا اتأثرنا شوية وفي ضغوط شوية اقتصاديًا لكن دا طبيعي العالم كلوا بيعاني بسبب حرب أوكرانيا وروسيا، فالكل اتأثر بشكل طبيعي لكن عمرنا ما نتخلى عن القضية الفلسطينية زي ما بعض الخونة كانوا عايزين يوصلوا صورة للناس، كل الرؤوساء المصريين كلهم قضيتهم واضحة اتجاه فلسطين وعمرنا ما هنتخلى عن القضية”.
وأتم: "دايمًا في كل القواضي مصر كانت بتتكلم عن فلسطين، وإنها قضيتنا الأولى وأنا فخور إني مصري وكل مصري لازم يفتخر وبنشكر فخامة الرئيس عبدال السيسي على مجهوداته العظيمة، علشان نطلع بأفضل شكل ممكن وكان واقف أسد بيستقبل كل الناس، وبيمثل وطن عظيم ولازم نشكره ونشكر كل أجهزة الدولة على مجهودهم الكبير وانهم خلونا رافعين راسنا".