أكد الإعلامي عمرو أديب أن مدينة شرم الشيخ تستعد لاستقبال حدث كبير خلال الساعات المقبلة، مشيرًا إلى أن التطورات في المنطقة تتسارع بشكل لافت، وأن العالم كله يترقب ما سيجري في المدينة المصرية الساحلية.
وقال أديب، خلال تقديمه برنامج "الحكاية" المذاع عبر قناة MBC مصر، إن ما يحدث حاليًا يفوق التوقعات، مضيفًا: "كنا في الصباح بنتكلم إن الرئيس الأمريكي جاي شرم الشيخ، لكن دلوقتي الوضع اختلف، العالم كله جاي، هيحصل عندنا حاجة ضخمة، مش مجرد حضور ترامب أو توقيعه، دي حاجة أكبر من كده بكتير."
"غيرة إسرائيلية" وتحركات غامضة
وأوضح أديب أن هناك حالة من الترقب والقلق في الجانب الإسرائيلي، قائلًا: "الإسرائيليين عندهم حالة غيرة غير عادية، بيحضروا لحاجة ضخمة محدش عارفها، والرئيس ترامب هيكون في إسرائيل، ونتنياهو لسه مش مؤكد حضوره لشرم الشيخ."
وأشار إلى أن التطورات السياسية والدبلوماسية المتسارعة تجعل مصر في قلب الحدث، قائلًا: "إحنا بنتكلم عن لحظة محورية، مصر مش بتشارك.. مصر هي اللي بتقود."
معبر رفح.. قلب الدور المصري
وتحدث عمرو أديب عن أهمية معبر رفح في المرحلة الحالية، مؤكدًا أن دوره أصبح أكثر حيوية من أي وقت مضى. وقال: "المعبر ده مسئولية مصرية خالصة. كل الدول أدت دورها وخلص، لكن دور مصر بيبدأ وبيكمل إحنا اللي بندخل المساعدات، وإحنا اللي بنستقبل المصابين من غزة، وإحنا اللي بنتفاوض."
وأضاف أديب : "مفيش كلام عن تهجير من غزة لمصر، محدش يزايد أو يسيء الفهم، إحنا بنتكلم عن تواصل إنساني ومسئولية قومية واضحة."
"ريادة مصر لا تنتهي"
وأشاد الإعلامي المصري بموقف بلاده الثابت من القضية الفلسطينية، مؤكدًا أن القاهرة تتحمل مسؤولياتها التاريخية والجغرافية والسياسية بالكامل ،وقال: "مصر مش دولة صغيرة، مصر عارفة واجبها كويس ،أول ما سمعنا عن وقف إطلاق النار، المصري قال للإسرائيلي: مش هتدخل معدات وطعام دلوقتي دي هي الفكرة المصرية.. الريادة والفهم والقيادة."
وأضاف أديب: "شوفنا الفلسطينيين وهما بيشكروا الرئيس عبد الفتاح السيسي، وبيشكروا الفريق اللي بيتعامل مع الملف بكل احترافية. المصريين دايمًا بيشتغلوا في صمت لكن تأثيرهم باين."
"الإسرائيلي أصعب مفاوض"
وفي ختام حديثه، أشار عمرو أديب إلى صعوبة المفاوضات مع الجانب الإسرائيلي، قائلًا: "أسوأ مفاوض هو المفاوض الإسرائيلي، مفيش أغلس منهم، لكن المصري عارفهم كويس، وبيتعامل معاهم بحكمة وذكاء."