عرضت شبكة قنوات ON البرومو الأول لفقرة الإعلامى باسم يوسف ضمن فقرات برنامج كلمة أخيرة المقرر أن تبدأ عرضها من 7 أكتوبر المقبل، الذي يقدمه الإعلامى أحمد سالم.
وجاء البرومو الأول لفقرة باسم يوسف، بصوت الدكتور طارق نور، رئيس الشركة المتحدة للخدمات الإعلامية.
وقال باسم يوسف خلال البرومو: لما تبقى كوميديان هتلاقي شغلانتك جامدة.. تخيل حياتك عبارة أنك تسافر وتلف الدنيا وتضحك الناس .. فتفتكر نفسك أنك حاجة بس أنت ولا حاجة في الأخر كل ده مزيف بس هي دي الشغلانة حلوها ومرها علقم.
عودة باسم يوسف لمصر
وكان قد علق الإعلامي باسم يوسف، على شائعات عرضه برنامج تلفزيوني جديد على الشاشات المصرية.
توضيح ساخر من باسم يوسف عبر فيسبوك
وكتب باسم يوسف عبر حسابه على فيسبوك: “طيب يا جماعة عشان الكلام كتير والإشاعات كتير أنا زي ما شوفتوني أول مرة في أوضة الغسيل من مصر هتشوفوني تاني على شاشات التلفزيون المصري من أوضة الغسيل من لوس أنجلوس”.
استضافة باسم يوسف في برنامج "كلمة أخيرة"
وتابع: “هكون ضيف أحمد سالم في برنامج كلمة أخيرة عبر الأقمار الصناعية أو راوتر الإنترنت في حوار حصري يوم ٧ أكتوبر”.
كواليس اللقاء المنتظر
وأضاف: “هنتكلم عن رحلتي الكام سنة اللي فاتت وهنقول شوية حكايات لطيفة عن ماوراء الكواليس في كل الأخبار واللقاءات اللي طلعت فيها أسرار تنشر لاول مرة (او لتاني مرة عادي)، اكشن، دراما، مقاطع بلوتوث ساخنة”.
باسم يوسف يرد على شائعة تقاضيه 22 مليون جنيه
واختتم: “أما موضوع إني واخد ٢٢ مليون جنيه ده فبصراحة ده خبر عجيب جدا يا ريت نتحرى الدقة. أنا واخد ٢٢ مليون دولار. عيب كده”.