الرياضة

تحدث الإعلامي خالد الغندور، عن انتقاد وسخرية البعض، بشأن تهنئته لنادي بيراميدز بالحصول على كأس القارات الثلاث.

تصريحات خالد الغندور 

قال خالد الغندور: “بوجه رسالة للناس الظراف واللذاذ والجُمال والحلوين، واللي بيقعدوا يركبوا حاجة علي حاجة”.

وتابع عبر حسابه على فيسبوك: “السنة اللي فاتت في الإنتركونتيننتال والأهلي القرعة خليته يلعب علي أرضه مع بطل آسيا، ساعتها في مصر محدش كان عارف يعني إيه إنتركونتيننتال، المفروض اللي هيكسب هيكسب والبطولة تتسلم في النهائي”.

وأكمل: “فوجئنا إن البطولة دي فيها 3 بطولات، بطولة إفريقيا وآسيا والمحيط الهادي، وبعدين بطولة التحدي بطل الأمركيتين يلعبوا مع بعض، والكسبان يلعب مع الكسبان من بطل إفريقيا وآسيا، وإسمها بطولة التحدي وبعدين في الآخر البطولة الكبيرة اللي اسمها إنتركونتيننتال”.

وأضاف: “فاحنا كلنا مكناش عارفين ولا عارفين البطولة إزاي، ومكناش عارفين وفيها كئوس تلاتة في بطولة واحدة والناس كانت بتهزر، علي المحيط الهادي وإفريقيا وآسيا، لكن خلاص عرفنا بقي”.

تهنئة خالد الغندور لنادي بيراميدز

وزاد: “عرفنا إن البطولة فيها تلاتة، ولما أجي أبارك لبيراميدز اللي ملعبش وسط جماهيره في استاد القاهرة، ده لعب في آسيا قدام أهلي جدة بجماهيره وبالمحترفين مع حكم عالمي اللي حكم نهائي دوري أبطال أوروبا”.

وواصل: “وبيراميدز بلا جمهور وبلا دعم إعلامي، وبلا قناة نادي وبلا سوشيال ميديا بتكلم علي الماتش طول النهار، وكسب تلاتة واحد وحصل علي ملايين الدولارت، وفي نفس التوقيت بيتلعب ماتش في الدوري، يبقى مبروك لبيراميدز”.

واتم الغندور حديثه: “ودي رسالة للبعض اللي بيقعد يركب خالد كان بيقول إيه، ودلوقتي بيقول إيه افهموا يا جماعة بلاش تبقي طول الوقت حافظين، افهموا السنة اللي فاتت محدش كان عارف البطولة دي، والسنادي خلاص عرفنا ولا لازم طول الوقت منبقاش فاهمين عشان تبقي أنتوا راضيين”.