ردت يارا تامر، بعد انفصالها عن زوجها مطرب المهرجانات الشعبية مسلم، وذلك بعد نشوب العديد من الخلافات مع أفراد عائلة مسلم، مؤكدة أنهم السبب الرئيسي في طلاقهما.
ونشرت يارا تامر، عبر ستوري حسابها بموقع انستجرام: تم الطلاق بيني وبين مسلم، وبجد حسبي الله ونعم الوكيل فيكم، ربنا ينتقم منكم، أنا عارفة أني مكنش المفروض أطلع أتكلم بس معنديش حاجة أغلى من كرامتي وشرفي قدام الناس.
أول تعليق من يارا تامر بعد طلاقها من مسلم
وتابعت: أنا أهو بعدت يمكن ترتاحوا وتسيبوني في حالي، للعلم أنا من يوم ما اتجوزت مسلم كانت هي دي مشكلتنا غير كده مكنش في أي مشاكل بينا، وشهادة حق أنه عمره ما زعلني وكان دايمًا واقف في ضهري، بس أنا اتظلمت كتير ومش مسامحة.
طلاق مسلم ويارا تامر
وكان أعلن مؤدي المهرجانات مسلم، منذ قليل طلاقه من زوجته يارا تامر، بسبب مشاكل أسرية مع عائلته، حيث كتب: تم الطلاق بيني وبين مراتي ودا بسبب مشاكل أهلي وفضيحتي قدام الناس، حسبي الله ونعم الوكيل في اللي كان السبب وخلى بينا مشاكل وكلام زي الزفت في السمعة والشرف والأعراض وحلم وحدها إنها تعيش مبسوطة لا أكثر ولا أقل ومش مسامح أختي ولا أمي ولا أخواتي كلهم بجد على كل حاجة وصلوني ليها أنا بجد بعد الست دي مفيش ست هتخش حياتي تاني وشكرا أوي على الظروف.