محافظات

شاب من الفيوم يستغيث: "مراتي طردتني أنا وولادي للشارع.. وبقينا نايمين قدّام مسجد"

أطلق شاب يبلغ من العمر 35 عامًا من محافظة الفيوم نداء استغاثة مؤلم بعد أن أصبح بلا مأوى، هو وأطفاله، يفترشون الأرض أمام مسجد مستشفى الصدر بقسم أول الفيوم، بعدما طردته زوجته من المنزل بسبب ضيق الحال وعدم قدرته على الإنفاق.

يروي الأب تفاصيل قصته قائلًا:
"أنا مش لاقي شغل ولا لقمة أكل لولادي.. مراتي سابتني وطردتني من البيت أنا وعيالي الصغيرين، وهي دلوقتي قاعدة مع بنتها من راجل تاني، اللي عندها 17 سنة، وبتقبض لها معاش 3000 جنيه. لما الظروف ضاقت بيا، قالتلي إنت راجل ناقص وشحات وطردتنا من الشقة اللي بنأجرها".

ويضيف الشاب:
"قبل ما تطردني قالتلي كلام يوجع، ولما ردّيت بإيدي من كسرتي، لقيت نفسي في الشارع. من ساعتها وأنا قاعد أنا وولادي قدام الجامع. الناس بتحن علينا بلقمة، بس ده مش حل. عيالي محتاجين يعيشوا ويتربوا زي باقي الأطفال".

ويؤكد أنه لا يطلب مالًا، بل فرصة للعمل:
"نفسي أشتغل، حتى لو على عربية كارو وحمار، أسترزق بالحلال وأصرف على عيالي. مش طالب غير ستر للعيال وسكن نأمن فيه على نفسنا".

ويناشد الأب الجهات المعنية، وأهل الخير، والجمعيات الأهلية، لمساعدته في تخطي محنته وتوفير مصدر رزق وسكن بسيط لأطفاله، بدلًا من الشارع.