أكد محمود عبد الرازق شيكابالا، نجم الزمالك السابق، إن في أزمة واضحة بين حسام حسن، المدير الفني للمنتخب، ومصطفى محمد، مهاجم نانت الفرنسي، وده بسبب إن "عميد الكرة المصرية" مش بيعتمد عليه في قيادة هجوم الفراعنة.
شيكابالا علّق على موقف حسام حسن بعدم مشاركة مصطفى محمد مكان عمر مرموش بعد إصابته في ماتش بوركينا فاسو، واختياره لأسامة فيصل بدلًا منه، وقال على قناة "MBC مصر 2": «الطبيعي والمنطقي إن مصطفى هو اللي يدخل مكان مرموش، مش أسامة فيصل، خصوصًا إننا أصلاً كنا بنطالب إنه يبدأ أساسي».
وأضاف: «أنا شايف إن في مشكلة بين حسام حسن ومصطفى محمد، ولو حسام مش مقتنع بيه فنيًا، الأحسن إنه مايضمهوش من البداية».
وتابع:«سيب الراجل ماشي كويس مع فريقه نانت، إيه الرسالة اللي بتحاول تبعتها له؟ يمكن نفهمها بعد الماتش».
يُذكر إن حسام حسن دفع بمصطفى محمد في الدقيقة 85 من عمر اللقاء.