الفن

رد الفنان محمد فضل شاكر على راغب علامة بعد تصريحاته الأخيرة الذي اكد أنه لا يرد على الانتقادات بالسلاح بل بالقانون.

وقال محمد فضل شاكر في فيديو له عبر حسابه الشخصي “انستجرام”: حضرتك تواصلت من خلال مُقربين بيناتنا لتحل موضوعك مع فضل، وردّ فضل عليك وقال إنو ما عندو مشكلة يحل الموضوع معك رغم إنك 13 سنة ما خليت وسيلة إلا وهاجمتنا. ومع هيك، سامحك وقال خلص صفحة وطويناها.

وأضاف: اليوم عم نشوف فيديو إلك عم ترجع تعيد وتقول انا ما بحمل سلاح وانا ما بقتل، انا بيّي ايمتى قتل؟ انت بتعرف كتير منيح انو المحكمة العسكرية برّأت والدي وبتعرف إنو بيّي ما دخلو بكل هيدا الموضوع، كان ردة فعل على فعل انفعل فينا، انحرق بيتو وانسرق على مدة 3 ايام، وحمل سلاح لأن ما حدا كان قادر يحمينا، بس لا قتل ولا حرق ولا سرق.

وتابع: نحن ما عنا مشكلة نتصالح معك، بس الظاهر لازم أنت تتصالح مع نفسك أول شي. من 13 سنة ما رددنا الإساءة، ولا مرة طلعنا حكينا ضدك، وزيادة عن هيك أنا بغنيلك بكل حفلة لإلك، هيدي كانت رسالة مني لقول إنو نحنا ما عنا مشكلة معك، فشو المطلوب حالياً انا عبالي أعرف

وواصل: الموضوع التاني هو التسجيل الصوتي لي حالياً بعض الصفحات شكلو مدفوع إلها ليرجعوا يعيدوا نشروا، هيدا تسجيل صوتي من 5-7 سنين اذا أنا مش غلطان، ما بعرف شو هدفو إنو يطلع هلأ، يمكن ليفرجوا إنو فضل بعدو غاضب، وهو كان أثر للهجوم الكبير لي تعرضنالو على مدى كل هالسنين