الرياضة

أعرب علاء عبد العال المدير الفني لنادي غزل المحلة، عن سعادته بتحقيق التعادل أمام الأهلي، في مباراة الأمس، ضمن مباريات الجولة الرابعة، من الدوري المصري الممتاز.

تصريحات علاء عبد العال

قال علاء عبد العال: “الطبيعي أن أكون سعيد بالتعادل، اسكواد الأهلي الحالي، ده قدام اسكواد بيتكون زي غزل المحلة، الأهلي يكسب وسكور”.

وتابع عبر برنامج اللعيب عبر قناة إم بي سي مصر: “كنا عاملين جيم دفاعي على الأهلي كبير، وكان لينا هجمات خطيرة برضو”.

وواصل: “يمكن الأهلي كان ليه هجمتين أو ثلاث هجمات، والفرص كلها توفيق وعدم توفيق، لكن غير كده كنا قافلفين مفاتيح اللعب على الأهلي، وكان عندنا هجمات وفرص”.

واوضح: “أنتوا شايفين اللي حصل في المباراة، لكن أنا مش هعلق على موضوع التحكيم ده”.

وذكر: “بصراحة شايف مع سكواد النادي الأهلي المتواجد، الفريق محتاج مدرب أكبر من رييبرو”. 

وأكد: “أكيد طبعا نفسي أدرب الأهلي، مفيش مدرب ميحبش يدرب الأهلي أو الزمالك”.

واختتم علاء عبد العال حديثه: “أنا كنت عامل تجربة كويسة مع الجونة، وسبته علشان أدرب نادي جماهيري زي غزل المحلة، علشان محدش يقول إني بدرب أنديه شركات أو خاصة، بس مع الفارق أن إمكانيات المحلة مش زي الأهلي طبعا”.

عماد متعب يوضح مصير ريبيرو

قال عماد متعب: “احنا مشوفناش تغييرات مراكز أو طريقة لعب من ريبيرو ، في أوقات محتاج ألعب فيها بتلاتة ورا وفي أوقات لازم يلعب باتنين مهاجمين شريف وجراديشار ودي برضه متعملتش”.

وتابع في تصريحات إذاعية: “أنا حاسس إن لسه ريبيرو بيتعرف على لعيبة الأهلي وممكن مع الوقت تظهر ، هنستنى عليه فترة هو أكيد مدرب جيد لكن هنشوف الفترة الجاية هيعمل ايه”.

وأضاف: “ريبيرو قال أنا محتاج 5 أو 6 شهور، وبعد كدة احكموا عليا، الكلام دا لو بتكسب تمام هتعدي، لكن ولا الجمهور ولا الإدارة هتستحمل الأمور تقضل ماشية وفيها اهتزاز في المستوى".