الرياضة

تحدث سيد عبد الحفيظ مدير الكرة بالنادي الأهلي، عن فرص استمرار الإسباني خوسيه ريبيرو في القيادة الفنية للقلعة الحمراء، بعد سلسلة النتائج السلبية منذ توليه.

مصير خوسيه ريبيرو مع الأهلي

قال سيد عبد الحفيظ: “رأيي في ريبيرو، يمكن عدد الماتشات مكانش كبير علشان أكون حقاني، لكن عدد الأيام اللي تواجد فيها كان كافي جدا تقريبا من آخر مايو”.

وتابع عبر برنامج اللعيب: “لكن عندنا مشكلة في التكتلات الدفاعية، والحاجات دي محتاجة حلول من مهارة عالية، خصوصاً واحد ضد واحد، يعني بن شرقي كان لازم يكون موجود علطول، لأنه بيقدر يعمل كده، امبارح أنت طلعته وعملت تغييرات، لأنه موصلش لقدرات كل اللعيبة”.

وأكمل: “لازم التغيرات تبقى فيها حد مختلف، الأهلي محتاج نوعية أحمد عبدالقادر كمان، مش بقول محتاج أحمد عبدالقادر بقول محتاج نوعيته”.

وأشار: “معرفش حاجة عن أحمد عبد القادر، التفاصيل اللي جوا أنا معرفهاش، لكن أنا بتكلم علشان في مباراة كمان ثلاث أيام قدام منافس وبطل أفريقيا، لو كسب الموضوع يفرق معاه، وياخد ثقة والموضوع يختلف”.

وأتم عبد الحفيظ حديثه: “لازم نستنى لحد يوم السبت هو مش حاجه نهائية، لكن حتى الكلام هيبقى واضح في التعامل في المباريات الكبيرة، لأن حتى مودرن سبورت وغزل المحلة المباراتين، كانوا متقفلين وفيها تكتلات دفاعية وانت لسه عندك مشاكل في التشكيل”.

موعد مباراة الأهلي أمام بيراميدز في الدوري المصري الممتاز

من المقرر أن تقام مباراة الأهلي أمام بيراميدز، في اللقاء الذي سيجمع بين الفريقين، ضمن مباريات الجولة الخامسة من الدوري المصري الممتاز، يوم السبت القادم 30 أغسطس الجاري، في تمام التاسعة مساء، على استاد القاهرة.

وتعد هذه المباراة، هي الأهم للفريقين، على الرغم أنها تأتي في بداية الموسم، إلا أن سوء نتائج الفريقين حتى الجولة الرابعة، جعلت المباراة مصيرية لكلا المدربين.