حوادث

كشف محمد حاتم مصور حادثة فتيات طريق الواحات تفاصيل جديدة عن الواقعة التي حدثت أمامه مساء أمس الأربعاء، أنه قام بتصور المشهد كاملًا من خلال استخدام هاتفه المحمول، ونشر مقطع فيديو وثّق حادث الواحات على حسابه الشخصي، ليجري تداوله بصورة كبيرة على منصات التواصل الاجتماعي، الأمر الذي ساهم في أن يصبح حادث الواحات حديث «السوشيال ميديا»، والذي أظهر مطاردة الشباب لسيارة الفتاة برفقة صديقتها. 

مصور حادث الواحات يروي تفاصيل الواقعة

وقال محمد حاتم مصور حادثة الفتيات، التي صورها بالصدفة، «أنا لما شوفت الوضع قدامي وكنت بتكلم في التليفون وقتها، فجأة لقيت الشباب بتركب العربيات، بصراحة الوضع حسيته غريب وقررت أني أصور، وأمشي وراهم وإحنا كنا موجودين في الحي الأول في أكتوبر الناس كلها عارفة المكان ده».

وأضاف مصور حادث فتيات الواحات، بأنه الواقعة بدأت على طريق الواحات والشباب الثلاثة كانوا في محاولة إزعاج الفتاة في سيارتها، ليصل بهم الأمر إلى محاولة تضييق الطريق عليها: «كانوا بيضايقوها ولاقيتهم قاعدين يلعبوا بالعربيات، وأنا فضلت مصور عادي مش في دماغي حاجة لحد ما حصلت الحادثة، وأنا كنت خايف من اللي هيحصل وماكنتش متوقع ده كانت صدمة بالنسبة لي، والتصوير ده خد 3 دقايق وشوية، وكان هدفي من التصوير إني أوصّله لوزارة الداخلية وهي تتعامل بطريقتها، بعدها نزلت من العربية وساعدت في أني أوصل البنات دي للمستشفى».