ترند ومنوعات

أثارت نوال أحمد، ابنة الدكتور أحمد الدجوي، الجدل بسبب منشوراتها عبر صفحتها الرسمية على موقع التواصل الاجتماعي فيس بوك.

وكتبت الدجوي عبر فيس بوك: حب العائلة غير مشروط، ومهما قلت أو فعلت مش هيغير ده أبدا، أو على الأقل ده اللي كان بابايا مؤمن بيه وعاش بيه كان دايما يقول إن الدم بيربطنا، وإننا لازم نفضل جنب بعض في الشدة قبل الرخاء. لكن اللي بابايا مكانش يعرفه إن بعض الناس اللي حبهم ووثق فيهم واهتم بيهم من العيلة، هما نفسهم اللي كانوا السبب في نهايته من أكبر عيوب بابا إنه لما كان يثق في حد كان بيديله قلبه وحياته، وكان مؤمن إن مهما عملوا من حاجات غلط، عمرهم ما هيئذوه الأذى ده.

وأوضحت:" يا ريت كان عارف قد إيه هو كان غلطان العيلة كانت حاجة مهمة جدًا بالنسبة لأحمد الدجوي كان بيحب عيلته بيحب استقرار العيلة، وكان بيحب الإحساس بالقوة والوحدة لما يبقى أهله حواليه علشان كده بابايا عمره ما كان ضعيف حتى في أصعب الأوقات، لأنه كان حاسس بإخواته جنبه مش علشان محتاجهم في شغل أو مصلحة، لا، هو بس كان محتاجهم يبقوا جنبه واثق إنه لو حصل له حاجة هيبقوا أول ناس موجودين. وكان عنده صحاب بيعتبرهم زي أهله، وكان واثق إنهم هيبقوا موجودين أول ما يحتاجهم. وكان عارف إن مراته، لو حصل له أي حاجة هتكون جنبه تواسيه. وكان عارف إن ولاده هيضحكوه حتى في أصعب الظروف. بابا كان عنده حق حب العيلة فعلًا غير مشروط، لكن الحقيقة إن مش كل اللي فيهم نفس الدم نقدر نسميهم عيلة. العيلة الحقيقية هي اللي بتحبك وتحميك في كل الظروف مش اللي بيتغيروا بسبب الطمع والفلوس".