وجهت الإعلامية أسما شريف منير رسالة حاسمة لمهاجميها، بعد تعرضها لموجة من التنمر والانتقادات عبر مواقع التواصل الاجتماعي، بعد الإعلان عن زواجها مؤخرًا .
ونشرت أسما شريف منير صور لها عبر حسابها الرسمي بموقع تبادل الصور والفيديوهات “إنستجرام”، وكتبت معلقة: “لكل شخص شتمني، تنمر علي، أو أساء الظن بي، أنا مش بزعل ومش، ومش باخدها على قلبي، مش لأني ما بحسّش، لكن لأني تعلّمت إن القلوب اللي فيها نور، بتعفو، وبتعدي، لأن ربنا قال:“والكاظمين الغيظ والعافين عن الناس والله يحب المحسنين”.
واستكملت أسما منشورها معلقة: “أنا اخترت أبقى من الناس اللي ربنا يحبها، مش هرد إساءة بإساءة، ولا كلمة بكلمة، ربنا أمرنا نكون أرقى، حتى قدام الظلم:“ولا تستوي الحسنة ولا السيئة، ادفع بالتي هي أحسن”، اللي بيني وبين ربنا عمره ما كان محتاج شهادة من بشر، واللي بيظن السوء، ربنا قال عنه: “يا أيها الذين آمنوا اجتنبوا كثيرًا من الظن، إن بعض الظن إثم".
وتابعت: “أنا مسامحة من قلبي، مش ضعف، لكن قوة إني ما أخليش الحقد و الزعل يسكن في قلبي، وسايبة كل حاجة لربنا، لأنه قال: “فمن عفا وأصلح فأجره على الله”، أنا عندي رسالة أمل، وبدعي من قلبي إن ربنا يكرم كل ست،
ويشجعها تتجوز وتبدأ من جديد من غير ما تخاف من المجتمع، ولا من نظرات الناس اللي كده كده الناس بتصطاد الأخطاء، ربنا يعفينا منهم ولا من الكلام اللي بيقول: “مريضة”، “مستفزة”، “بجحة”، وكلام كتير مالوش لازمة، كله اتبدل بحسنات، ربنا هو اللي بيختار ويعوض.. مش الناس".
كما أعادت أسما نشر رسائل دعم وصلت إليها من عدد من السيدات، أعربن فيها عن فخرهن بها، مؤكدات أنها تمثلهن وتعطيهن الأمل في حق المرأة في اختيار الراحة والسلام النفسي.
تفاصيل زواج أسما شريف منير
يُذكر أن أسما شريف منير كانت قد أعلنت مؤخرًا عن زواجها، وشاركت متابعيها بصور من عقد قرانها الذي أقيم في أجواء عائلية، بحضور والدها الفنان شريف منير، وأسرة العريس وعدد من الأصدقاء المقربين.