الفن

كشف الفنان أحمد آدم حقيقة تصريحاته عن قلة العمل التي انتشرت عبر مواقع التواصل الاجتماعي في الساعات الأخيرة.

وقال أحمد آدم في تعليق عبر فيسبوك: مفيش حاجة م الكلام ده حصل او اتكتب في بوست أنا داخل فيلم بعد العيد وبقرا مسلسل والحمد لله ما تقلقيش أنا أحمد ادم برضه الحمد لله.

محمود حمدان يكشف موقف جمعه بأحمد آدم

وكان قد كشف المؤلف محمود حمدان عن موقف جمعه بالفنان أحمد آدم في بداية مسيرته الفنية، مشيرًا إلى أنه كان في ذلك الوقت بأكادمية الفنون.

وقال محمود حمدان في منشور عبر حسابه الشخصي فيسبوك: سنة 2007 أخدنا الدكتور جلال الشرقاوي علشان نمثل في مسرحية لأحمد آدم، كنا مجموعة من شباب أكاديمية الفنون ولسه في بداية طريقنا، أحمد آدم كان مغرور ومتعالي بشكل غريب.

وتابع: كنا قبل العرض بيوم وبنعمل بروفة جنرال، ودخلت أعمل دوري ومن حظي السيء إن اللي كانوا قاعدين في الصاله ضحكوا، أحمد آدم وقف البروفة، وقدام كل الناس سمعني أسوأ كلام يقوله فنان محترف لشاب لسه بيشق طريقه (أنت هتاخد فرصتك بس مش معايا مع حد تاني، تقف مكانك متتكلمش) ولم يكتفي بذلك، قالي مش هتشتغل يلا أمشي.

وأضاف: خرجت من المسرح والدموع مكتومة جوايا، وأصحابي بيحاولوا يواسوني (مصطفى أبو سريع وحسني شتا وإبراهيم السمان ومحمد العمروسي)، روحت صليت ودعيت على أحمد آدم وأنا منهار من البكاء، ومن 5 سنين كلمني منتج صديقي علشان أكتب فيلم لآدم وقولتله لو هتديني 100 مليون مش هكتبله.. الآن بدعيله ربنا يفك كربه ويسامحه ويكرمه، وأنا مسامح.