كشف الفنان تامر حسني عن موقفه من دخول ابنته "تالية" عالم الفن، مؤكدًا أنه لا يشجعها على هذه الخطوة رغم حبها للفن، حرصًا على مشاعرها ونفسيّتها في ظل صعوبة الوسط الفني وقسوته.
وقال تامر حسني في تصريحات لبرنامج “ET بالعربي”: "تالية دايمًا بتقولي إنها عايزة تدخل المجال، وأنا بقولها دايمًا إن ده مش عشان أنا باباكي، لازم يكون عندك موهبة حقيقية وحب كبير للفن، وساعتها ممكن أساعدك تدوري على حلمك".
وأضاف: "لكن لو هتكلم من قلبي، أنا مش عايز بنتي تدخل الفن، المجال ده صعب جدًا فيه ناس بتنتقد بشكل جارح، ومحتاج اللي يشتغل فيه يكون مدرب على تلقي الصدمات والتعليقات القاسية".
وتابع قائلاً: "قلب البنات رقيق، ممكن كلمة تجرحها تفضل مأثرة فيها، وحرام يحصل ده وهي طفلة،أنا أتمنى من قلبي إنهم يفضلوا في الرياضة ويحققوا بطولات، زي ما بيعملوا حاليًا، بس طبعًا لما يشوفوا باباهم ومامتهم في الفن طبيعي يتعلقوا بالمجال".
تطورات الحالة الصحية لـ تامر حسني
وفي سياق آخر، كشف تامر حسني عن تعرضه لوعكة صحية شديدة قبل سفره إلى دبي، حيث أحيا هناك حفلًا غنائيًا انضم إليه خلاله نجوم فيلمه الجديد "ريستارت".
وأوضح تامر حسني عبر حسابه بموقع تبادل الصور والفيديوهات “إنستجرام”، أنه دخل المستشفى بسبب شدة التعب، مشيرًا إلى أن ابنه "آدم" دخل المستشفى أيضًا بعده بأيام، ووجه الشكر لجمهوره على دعمهم ودعواتهم.