ودع البلجيكي ميشيل يانكون جماهير الأهلي بعدما تأكيد رحيله بوصول المدير الفني الإسباني خوسيه ريبيرو الذي يأتي معه مدربًا لحراس المرمى.
يانكون جاء للأهلي بقدوم السويسري رينيه فايلر، واستمر في منصبه حتى بعد رحيل فايلر ولمدة 6 سنوات كاملة.
وكتب يانكون عبر حسابه على فيسبوك: "٦ سنين كانوا أكتر من مجرد شغل.. كانت رحلة حب وانتماء ونجاحات مع نادي عمري ما هنساه".
وتابع: "كل لحظة قضيتها في التتش، وكل مباراة، وكل دمعة فرح بعد بطولة.. هتفضل محفورة في قلبي.
فخور إني كنت جزء من الفريق اللي قدر يحقق ١٩ بطولة مع الأهلي".
وواصل: "اشتغلت مع حراس عظام، أخواتي قبل ما يكونوا لعيبة، فخور بكل لحظة قضيناها سوا، لكن أكتر حاجة عمري ما هنسى حبها.. جمهور الأهلي، أنتم القلب الحقيقي للنادي، أنتم الروح، أنتم اللي بتدوا المعنى لكل لحظة عشتها هنا".
وأكمل: "وقعت في حب مصر والمصريين من أول لحظة.. وهفضل شايل الحب ده في قلبي دايمًا، مصر أم الدنيا".
واختتم: "شكرًا من قلبي لكل شخص دعمني وحبني.. أنا واحد منكم وهفضل دايمًا واحد منكم".